पिंपरी (पुणे) - पुण्यात पोलिसांच्या प्रतिमेला छेद देणारी दुर्दैवी घटना घडली असून चोर आले. म्हणून पोलिसच पळतात ही केविलवाणी गोष्ट असल्याचं मत राज्याचे उपमुख्यमंत्री अजित पवार यांनी यांनी व्यक्त केले आहे. त्या दोघांवर कारवाई केली. परंतु अश्या घटनांमुळे पोलिसांची प्रतिमा समाजात खराब होते, अस त्यांनी म्हटलं आहे. ते पिंपरी-चिंचवड शहरात पोलीस आयुक्तालयाने आयोजित केलेल्या कार्यक्रमात बोलत होते. यावेळी, महापौर माई उर्फ उषा ढोरे, पोलीस आयुक्त कृष्ण प्रकाश, अपर पोलीस आयुक्त रामनाथ पोकळे, गुन्हे पोलीस उपायुक्त सुधीर हिरेमठ यांच्यासह पोलीस कर्मचारी उपस्थित होते.
गुन्हेगारीचे साइड इफेक्ट बंद झाले पाहिजे-
शहरातील गुन्हेगारीचे साइड इफेक्ट बंद झाले पाहिजेत. शहरात वाहनांच्या तोडफोडीच्या घटना घडत आहेत. सामान्य नागरिकांचे नुकसान झाले. त्यात त्यांचा काय दोष. गुंडांकडून होणार त्रास थांबला पाहिजे. राज्याचा उपमुख्यमंत्री म्हणून आपल्याला सांगतो की तो कुठल्या पक्षाचा, गटाचा, याचा विचार न करता महाविकास आघाडीचे सरकार असलं तरी देखील गुन्हेगारीच्या निमित्ताने चुकीचं वागत असेल तर त्याला कडक शासन करा. मी तुमच्या बरोबर आहे, अजिबात राजकीय हस्तक्षेप होऊ देणार नाही. माझ्या व्यतिरिक्त कोणाचा फोन आला तर मला सांगा, मग मी त्या फोनवाल्या व्यक्तीकडे बघतो. माझी मत आणि भूमिका स्पष्ट असते, असे अजित पवार म्हणाले.
हेही वाचा- काँग्रेसच्या विरोधाला न जुमानता मुख्यमंत्री कार्यालयाकडून संभाजीनगर नावाचा वापर सुरूच
