पिंपरी-चिंचवड (पुणे) - शहरातील पुनावळे परिसरात भरधाव चारचाकी दुकानात शिरल्याने अपघात झाला आहे. सुदैवाने यात कोणतीही जीवितहानी झालेली नाही. चारचाकीतील तीन अल्पवयीन मुले किरकोळ जखमी झाले आहेत, अशी माहिती हिंजवडी पोलिसांनी दिली आहे. मात्र, या घटनेत दुकान, चारचाकी वाहन तसेच उभे असलेल्या दुचाकींचे मोठ्या प्रमाणात नुकसान झाले आहे.
भरधाव कार दुकानात शिरली
पोलिसांनी दिलेल्या माहितीनुसार, शहरातील पुनावळे परिसरात भरधाव कारवरील चालकाचे नियंत्रण सुटल्याने कार दुकानात शिरून अपघात झाला आहे. यात तीन दुकानांचे व दुकानासमोर उभ्या दुचाकींचे मोठे नुकसान झाले आहे. ही घटना मंगळवारी (दि. 22 डिसें.) दुपारी साडेतीनच्या सुमारास हिंजवडी पोलीस ठाण्याच्या हद्दीत घडली आहे.
सुदैवाने जीवितहानी नाही
सुदैवाने या अपघातात जीवितहानी झालेली नाही. घटनेची माहिती मिळताच हिंजवडी पोलीस घटनास्थळी दाखल झाले आहेत. दरम्यान, अपघातग्रस्त कारचेही नुकसान झाले असून जखमी अल्पवयीन मुलांना खासगी रुग्णालयात उपचारासाठी दाखल करण्यात आले आहे.
हेही वाचा - तुम्ही तुमची स्टोरी सांगा; तुम्हाला दहा रुपये देतो - तणावमुक्तीसाठी तरुणाचा भन्नाट प्रयोग
हेही वाचा - शौर्यदिन कोरोनाचे नियम पाळून नीट व शांततेत साजरा करा - आनंदराज आंबेडकर
