पुणे - पुणे-नाशिक महामार्गावरील वाहतूक कोंडी नित्याचीच झाली आहे. सामान्य नागरिक, प्रवाशांचे हाल होऊ नये यासाठी वाहतूक पोलीस भर पावसात दिवसरात्र रस्ता मोकळा करुन देत आहेत. तर दुसरीकडे स्थानिक नागरिक मात्र बघ्याची भूमिका घेत असल्याचे चित्र पाहायला मिळत आहे.
चाकण, राजगुरुनगर, मंचर, कळंब, नारायणगाव, आळेफाटा या प्रमुख शहरांलगत वाहतूक कोंडीचे मोठे संकट गेल्या अनेक वर्षापासून प्रवाशांसह स्थानिक नागरिकांना सहन करावे लागत आहे. त्यात सध्याच्या पावसाच्या दिवसात वाहतुककोंडी मोठी होत आहे. नारायणगाव शहरालगत वाहतूक पोलीस भर पावसात महामार्गावरील वाहतूक कोंडी फोडण्याचा प्रयत्न करत आहेत. तर आजुबाजूचे नागरिक याच पोलिसांच्या कामगिरीकडे पहात बघ्यांची भूमिका घेत आहेत.
नेहमीच पोलिसांकडे वेगळ्या नजरेने बघितले जाते. मात्र ऊन, वारा, पावसाचा विचार न करता पोलीस भर गर्दीत रस्त्यावर उभे रहात कर्तव्य बजावताना दिसत आहेत.
