शिवसेनेचाच मुख्यमंत्री होणार; संजय राऊतांचा विश्वास कायम

रूग्णालयातून बाहेर पडताच शिवसेना नेते संजय राऊत यांनी 'मुख्यमंत्री शिवसेनेचाच होईल' असा दृढ विश्वास व्यक्त केला आहे. राऊत म्हणाले, महाआघाडी केली म्हणजे धर्मांतर केले नाही. भाजपने दिलेला शब्द पाळला नाही म्हणून हे पाऊल उचलावे लागले.

मुंबई - रुग्णालयातून बाहेर पडताच शिवसेना नेते संजय राऊत यांनी 'मुख्यमंत्री शिवसेनेचाच होईल' असा दृढ विश्वास व्यक्त केला आहे. दरम्यान, डिस्चार्ज मिळण्या अगोदर काँग्रेस नेते बाळासाहेब थोरात, अशोक चव्हाण यांच्यासह इतर नेत्यांनी रुग्णालयात संजय राऊत यांची भेट घोतली होती.

राऊत म्हणाले, महाआघाडी केली म्हणजे धर्मांतर केले नाही. भाजपने दिलेला शब्द पाळला नाही म्हणून हे पाऊल उचलावे लागले. मध्यावधी निवडणुका होणार नासल्याचा विश्वासही त्यांनी व्यक्त केला.

हेही वाचा - राष्ट्रवादीच्या ५४ आमदारांची 'ती' आग्रही मागणी पवारांनी केली पूर्ण

राऊतांनी शिवसेनेची बाजूने लावून धरली आणि त्यांची ही भूमिका जनतेला आवडली असल्याची प्रतिक्रिया बाळासाहेब थोरात यांनी व्यक्त केली आहे. तर, अशोक चव्हाण यांनी “किल्ला जोरदार लढवला” म्हणत राऊतांचे अभिनंदन केले.