भांडगाव येथे घरफोडी करून दागिन्यांसह रोख रक्कम लंपास

दौंड तालुक्यातील भांडगाव येथील श्याम कदम यांच्या घरी चोरी झाली आहे. अज्ञात चोरट्याने बंद घराचा सेफ्टी दरवाजा तोडून आतमध्ये प्रवेश करून त्यांच्या घरातील लाकडी आणि लोखंडी कपाटातील १ लाख ४१ हजार रुपये किमतीचे सोन्याचे दागिने व रोख रक्कम असा ३९ हजार रुपयांचा ऐवज चोरी करून नेला आहे.

पुणे (दौंड) - तालुक्यातील भांडगाव येथे घराचा सेफ्टी दरवाजा तोडून घरातील मौल्यवान दागिने आणि रोख रकमेची चोरी झाल्याची घटना घडली आहे. याबाबत श्याम महादेव कदम (रा. हरिजन वस्ती, समाज मंदिराशेजारी भांडगाव) यांनी यवत पोलीस ठाण्यात फिर्याद दिली आहे.

हेही वाचा - धक्कादायक : 13 वर्षीय सख्या चुलत भावानेच 6 वर्षीय चिमुरडीवर अत्याचार करून केला खून

याबाबत पोलीस सूत्रांनी दिलेल्या माहितीनुसार, अज्ञात चोरट्याने बंद घराचे सेफ्टी दरवाजा तोडून आतमध्ये प्रवेश करत घरातील लाकडी आणि लोखंडी कपाटातील १ लाख ४१ हजार रुपये किमतीचे सोन्याचे दागिने व रोख रक्कम ३९ हजार रुपये असा ऐवज चोरला. चोरी झालेल्या ठिकाणी यवत पोलीस ठाण्याचे पोलीस निरीक्षक भाऊसाहेब पाटील यांनी भेट देऊन पाहणी केली आहे. या प्रकरणाचा अधिक तपास यवत पोलीस ठाण्याचे पोलीस उपनिरीक्षक वाघमोडे हे करत आहेत.

हेही वाचा - नागपूर: पाणीपुरी विक्रेत्यावर प्राणघातक हल्ला, संपूर्ण घटनाक्रमाचा व्हिडिओ व्हायरल