पुणे : एकाच ओव्हरमध्ये 7 षटकार मारत जागतिक विक्रम करणाऱ्या ऋतुराज गायकवाड लवकरच भारत संघात स्थान (cricketer Rituraj Gaikwad) मिळवेल. आणि याच पद्धतीने तो कामगिरी करेल, असा विश्वास त्याच्या आई वडिलांनी व्यक्त केला (Reaction of cricketer Rituraj Gaikwad father) आहे. त्याची ही खेळी अविस्मरणीय असल्याची भावना कुटुंबीयांनी व्यक्त केली (Reaction of cricketer Rituraj Gaikwad mother) आहे. वयाच्या 3ऱ्या वर्षी वडिलांनी ऋतुराजला बॅट बॉल दिला, आणि बाळाचे पाय पाळण्यात या उक्तीप्रमाणे त्याने क्रिकेटमध्ये कारकीर्द केल्याची भावना त्याचे आई वडील व्यक्त करत (Rituraj Gaikwad mother father) आहेत.
महाराष्ट्र आणि उत्तर प्रदेश यांच्यात क्वार्टर फायनलमध्ये फलंदाजी : महाराष्ट्र आणि उत्तर प्रदेश यांच्यात 29 नोव्हेंबरला क्वार्टर फायनल सामना होता. या सामन्यात प्रथम फलंदाजी करताना महाराष्ट्राने उत्तर प्रदेशसमोर 50 षटकांत 331 धावांचं लक्ष्य ठेवले होते. महाराष्ट्राकडून ऋतुराजने अवघ्या 159 चेंडूत नाबाद 220 धावांची खेळी केली. ज्यात 10 चौकार आणि 15 षटकारांचा समावेश आहे. ऋतुराज गायकवाडचे हे मागील आठ डावातील सहावे शतक होते. यावरून त्याच्या सर्वोत्तम फॉर्मचा अंदाज लावला जाऊ शकतो. आयपीएलमध्ये तो चेन्नई सुपर किंग्ज संघाचा महत्त्वाचा भाग आहे. 25 वर्षीय ऋतुराजचे लिस्ट-ए कारकिर्दीतील हे 13वं शतक होते. सामन्यात उतरताना, उत्तर प्रदेशने महाराष्ट्राला प्रथम फलंदाजीचे आमंत्रण दिले. महाराष्ट्राने 50 षटकांत 330/5 धावा केल्या होत्या. गायकवाडच्या खेळीशिवाय अंकित बावणे (३७) आणि अझीम काझी (३७) यांनीही काही महत्त्वपूर्ण खेळी खेळल्या. कार्तिक त्यागी (3/66) याने गोलंदाजांची निवड केली होती.
सामन्याच्या 49व्या षटकात ऋतुराजने केला विश्वविक्रम : शिवा सिंगने टाकलेल्या सामन्याच्या 49व्या षटकात गायकवाडने मोठा विक्रम केला. ऋतुराजने या षटकातील चार चेंडूत सलग चार षटकार ठोकले होते. त्यानंतर पाचवा चेंडू नो बॉल ठरला. यावरही ऋतुराजनं उत्तुंग षटकार मारला होता. त्यानंतर अखेरच्या दोन्ही चेंडूवर दोन षटकार मारून ऋतुराजने एका षटकात सात षटकार मारण्याचा पराक्रम केला आहे. गायकवाडने 159 चेंडूत 10 चौकार आणि 16 षटकारांसह नाबाद 220 धावा पूर्ण केल्या. एका षटकात 43 धावादेखील अधिकृतपणे क्रिकेटमध्ये एका षटकात केलेल्या संयुक्त-सर्वाधिक धावा आहेत. 2018-19 मध्ये न्यूझीलंडच्या देशांतर्गत फोर्ड ट्रॉफी स्पर्धेत, सेंट्रल डिस्ट्रिक्ट्सच्या विलेम लुडिकलाही नॉर्दर्न डिस्ट्रिक्ट्सच्या फलंदाजांनी एका षटकात 43 धावा दिल्या होत्या. त्याच्या एका षटकात त्याला 4,6nb,6nb,6,1,6,6,6 असे फटका बसला होता.
ऋतुराजची द्विशतकीय खेळी : ऋतुराज गायकवाडने 109 चेंडूत शतक पूर्ण केले आणि 138 चेंडूत 150 धावांचा टप्पा गाठला होता. म्हणजेच त्याच्या पुढच्या 50 धावा फक्त 29 चेंडूत आल्या होत्या. 159 चेंडूत नाबाद 220 धावांची खेळी केली होती. त्याने अजी काझीसोबत चौथ्या विकेटसाठी शतकी भागीदारी केली होती. अझीम 42 चेंडूत 37 धावा करून बाद झाला होता. उत्तर प्रदेशचा कार्तिक त्यागी हा सर्वात यशस्वी गोलंदाज ठरला होता. त्याने 66 धावांत 3 विकेट्स घेतल्या होत्या.
