निसर्ग चक्रीवादळाचा फळबागांना मोठा फटका, लाखोंचे नुकसान

निसर्ग चक्रीवादळामुळे पुणे जिल्ह्यात अनेक ठिकाणी नुकसान झाले आहे. जिल्हयातील अनेक ठिकाणच्या फळबागांना या वादळात फटका बसला असून, लाखोंचे नुकसान झाले आहे.

पुणे - निसर्ग चक्रीवादळामुळे पुणे जिल्ह्यात अनेक ठिकाणी नुकसान झाले आहे. जुन्नर, खेड, मुळशी, वेल्हा, भोर, मावळ, आंबेगाव, पुरंदर, दौंड या तालुक्यातील शेतकऱ्यांना मोठा फटका बसला आहे. जिल्ह्यातील अनेक ठिकाणच्या फळबागा या वादळात उद्धवस्त झाल्या आहेत.

निसर्ग चक्रीवादळातचा फळबागांना मोठा फटका, लाखोंचे नुकसान

मुळशी, हवेली तालुक्यातील कोंढावळे, वाघोली येथील शेतकरी राजेंद्र शितोळे यांच्या केळी आणि पपईच्या बागांचे मोठे नुकसान झाले आहे. आंब्याच्या ४० झाडाचे आंबे गळून पडले आहेत. तसेच वाघोली परिसरातील शेतीलाही या वाऱ्याचा फटका बसला आहे. केळी व पपईच्या बागा कोलमडून पडल्या आहेत.

या चक्रीवादळामुळे सर्वाधिक नुकसान मुळशी तालुक्यात झाले आहे. मुळशी तालुक्यातील 70 हून अधिक घरांचे नुकसान झाले आहे. तर 30 हून अधिक झोपड्या उद्धवस्त झाल्या आहेत. पुणे जिल्ह्यातील 100 हून अधिक घरांचे नुकसान झाले आहे. तर विजेचा धक्का लागल्यामुळे 3 जनावरांचाही मृत्यू झाला आहे. वेल्हा तालुक्यातील 3 शाळा आणि एका ग्रामपंचायतीचे कार्यालयाची पत्रे उडून गेले आहेत.