पुणे - शहरात सुरू असलेल्या दमदार पावसामुळे येथील खडकवासला धरणातून विसर्ग वाढला आहे. त्यामुळे मुठा नदीच्या पाणी पातळीत वाढ झाली आहे. तर पाण्याचा विसर्ग सुरू राहिल्यास भिडे पूल पाण्याखाली जाण्याची शक्यता वर्तवली जात आहे.
पुुण्यातील खडकवासला धरणातून विसर्ग वाढला, मुठा नदीच्या पाणी पातळीत वाढ.
मागील दोन दिवसांपासून पुण्यात दमदार पाऊस सूरु आहे. धरण क्षेत्रात चांगला पाऊस सुरू असल्यामुळे आसपास असणाऱ्या टेमघर, वरसगाव, पानशेत आणि खडकवासला या चारही धरणातील पाण्याच्या पातळीत चांगलीच वाढ झाली आहे. या चारही धरणक्षेत्रात 66 टक्के पाणीसाठा झाला आहे.
दरम्यान, सततच्या पावसामुळे खडकवासला धरण क्षेत्रातून तब्बल 5 हजार 136 पाण्याचा विसर्ग करण्यात आला आहे.
पुण्याला पाणीपूरवठा करणाऱ्या धरणातील पाणीसाठा पुढीलप्रमाणे -
खडकवासला - 100%
पानशेत - 74 %
वरसगाव - 58 %
टेमघर - 52%
