पुणे - जुन्नर तालुक्यातील अलदरे गावात किसन पांडू घोगरे या आदिवासी शेतकऱ्याच्या पत्रा शेडच्या राहत्या घराला मंगळवारी अचानक आग लागली. या घटनेत वृद्धेला काही प्रमाणात भाजले. या आगीत 6 शेळ्या आणि 4 लहान करडांचा जागीच मृत्यू झाला. तर,दागिने, रोख रक्कम तसेच संसारोपयोगी वस्तू असे एकूण २ लाख रुपयांचे नुकसान झाले आहे.
घटनेनंतर स्थानिक तलाठी यांच्या तातडीने पंचनामा करण्यात आला. शासनाकडून आर्थिक मदत मिळावी अशी मागणी किसन घोगरे व ग्रामस्थांनी केली आहे. वृद्धापकाळात संसार आगीमध्ये काही क्षणातच भस्मस्थानी गेल्याने घोगरे कुटुंब बेघर झाले आहे. त्यामुळे या वयात या कुटुंबाला आधार देऊन मदतीचा हात कोण देणार, हा खरा प्रश्न आहे.
