...म्हणून अटल बिहारी वाजपेयी यांनी शरद पवारांना आपत्ती व्यवस्थापनाचे प्रमुख केले - अजित पवार

किल्लारीला झालेल्या भूकंपाचे संकट त्यांनी चांगल्या प्रकारे हाताळले होते. या भूकंपात सर्वच हवालदिल झाले असताना त्यांनी रात्रंदिवस राबून पुन्हा तेथील लोकांना उभे केले होते. त्यामुळे अटल बिहारी वाजपेयी पंतप्रधान असतानाच त्यांनी शरद पवारांना आपत्ती व्यवस्थापनाचे प्रमुख केले. अशी आठवण उपमुख्यमंत्री अजित पवार यांनी बारामतीत सांगितली. मुस्कील

बारामती - शरद पवार नैसर्गिक आपत्तीच्या संकटाचा सामना करण्याचा चांगला अनुभव आहे. किल्लारीला झालेल्या भूकंपाचे संकट त्यांनी चांगल्या प्रकारे हाताळले होते. या भूकंपात सर्वच हवालदिल झाले असताना त्यांनी रात्रंदिवस राबून पुन्हा तेथील लोकांना उभे केले होते. त्यामुळे अटल बिहारी वाजपेयी पंतप्रधान असतानाच त्यांनी शरद पवारांना आपत्ती व्यवस्थापनाचे प्रमुख केले. अशी आठवण उपमुख्यमंत्री अजित पवार यांनी बारामतीत सांगितली. बारामती येथील रुई ग्रामीण रुग्णालय परिसरात उभारण्यात आलेल्या 'प्री फॅब्रिकेटेड' हॉस्पिटलचे उद्घाटन उपमुख्यमंत्री अजित पवार यांनी केले. यावेळी ते बोलत होते.

'वैद्यकीय व्यवसाय हा पैसे कमविण्याचा मार्ग नाही' -

वैद्यकीय व्यवसाय करताना सामाजिक भान ठेवले पाहिजे. वैद्यकीय व्यवसाय हा पैसे कमविण्याचा मार्ग नसून, रुग्ण व मानवसेवेचा वसा आहे. या व्यवसायाशी लोकांचे जीवन मरण अवलंबून आहे. हा व्यवसाय करताना सामाजिक जाणीव व संवेदनशीलता ढळू देऊ नका, असे आवाहन अजित पवार यांनी केले.

500 रुग्णवाहिकांची केली मागणी -

शहरात जशा वैद्यकीय सुविधा मिळतात तशाच सुविधा ग्रामीण भागात देण्याचा राज्य सरकारचा मानस आहे. रुग्णांसाठी आवश्यक असणाऱ्या 500 रुग्णवाहिकांची मागणी सरकारने केली आहे. हृदयाच्या शस्त्रक्रियांमध्ये आपल्या देशाचा अतिउच्च दर्जा वारंवार सिद्ध झाल्याचे पवार यांनी सांगितले. मुंबई, चेन्नई सारख्या महत्त्वाच्या शहरांबरोबरच ग्रामीण भागात विविध वैद्यकीय सेवा उपलब्ध आहेत. जगातील विकसित देशांमध्ये ज्या आरोग्य सुविधा मिळतात. त्याच आरोग्य सुविधा आपल्याकडे छोट्या शहरात माफक दरात उपलब्ध असल्याचे यावेळी पवार यांनी सांगितले.