Amit Shah To Visit Pune : अमित शाह पुण्यात येणार, गिरीश बापट यांची भेट घेण्यासह अनेक कार्यक्रम नियोजित

केंद्रीय मंत्री अमित शाह हे येत्या आज आणि उद्या पुणे दौऱ्यावर येत आहेत. शाह यांच्या पुणे दौऱ्याची शहर भाजपाकडून जय्यत तयारी करण्यात आली आहे. शाह यांच्या हस्ते पुण्यातील आंबेगाव येथील शिवशाहीर बाबासाहेब पुरंदरे यांनी उभारलेल्या शिवसृष्टीचे लोकार्पण होणार आहे. याशिवाय 'मोदी ॲट ट्वेन्टी' या पुस्तकाचे प्रकाशन शाह यांच्या हस्ते होणार आहे.

पुणे : मोदी ॲट ट्वेन्टी या पुस्तकाच्या प्रकाशन कार्यक्रमाला राज्याचे उपमुख्यमंत्री देवेंद्र फडणवीस हे प्रमुख पाहुणे म्हणून उपस्थित राहणार आहेत. तसेच जिल्ह्याचे प्रदेशाध्यक्ष चंद्रशेखर बावनकुळे, पालकमंत्री चंद्रकांत पाटील हे देखील उपस्थित राहणार आहेत. हा कार्यक्रम डिपी रोडवर पंडित फार्म येथे आयोजित करण्यात आला आहे. भाजपच्या अनेक कार्यकर्त्यांच्या उपस्थितीची अपेक्षा वर्तवण्यात येत आहे.

अमित शाहा हे आज पुणे दौवऱ्यावर : केंद्रीय मंत्री अमित शाहा हे आज दुपारी पुण्यात येणार आहेत. त्यानंतर ते सहकार परिषदेला उपस्थित राहणार आहेत. त्यानंतर काश्मीरमध्ये शहीद झालेल्या पोलिसांच्या मुलींसोबत संवाद कार्यक्रम होणार आहेत. सायंकाळी पुस्तकाचे प्रकाशन होणार आहे. त्यानंतर शाह हे ओंकारेश्वर मंदिराचे दर्शन घेणार आहेत. मग खासदार गिरीश बापट यांची देखील ते भेट घेणार आहेत. त्यानंतर शाह यांचा पुण्यात मुक्काम आहे. १९ फेब्रुवारीला सकाळी शिवसृष्टीचे लोकार्पण झाल्यानंतर अमित शाह कोल्हापूरच्या दोन दिवसांच्या दौऱ्यावर जाणार आहेत. कोल्हापूर अमित शाह यांची सासुरवाडी असून दोन दिवस विविध सार्वजनिक कार्यक्रम होणार आहेत.