बारामती विरोधी पक्षनेते अजित पवार (ajit pawar) दोन दिवसांपासून बारामती दौऱ्यावर आहेत. बारामती शहरात त्यांचे विविध कार्यक्रम पार पडत आहेत. बारामतीमधील एका कार्यक्रमात पवारांनी थेट पंतप्रधान मोदींना (Ajit Pawar scolded PM) डिवचलं. आईला भेटायला जातो...पण फोटो काढत नाही. अशी मिश्कील टिप्पणी अजित पवारांनी केली. यामुळे अजित पवारांची मिश्कील शैली पुन्हा एकदा चर्चेत आली आहे.
व्यसनांपासुन दुर रहा- पवार सध्या कॅन्सरचे प्रमाण वाढले आहे. प्रत्येकाने गुटखा, तंबाखू, सिगारेट, बिडी, दारू या व्यसनांपासून दूर राहिले पाहिजे. असा सल्ला विरोधी पक्ष नेते अजित पवार यांनी बारामतीत बोलताना दिला. पवार म्हणाले की, माणसाला आयुष्यात एकदा जीवन मिळत असतं. आपल्याला आई-वडिलांनी जन्म दिल्यानंतर व्यसनाच्या आहारी न जाता आपण आपलं आयुष्य सार्थकी लावले पाहिजे. असे पवार म्हणाले.
जनावरांच्या दुधाचे प्रमाण वाढवण्यासाठी काहीजण पशुखाद्यात मानवी आरोग्याला अपायकारक असणाऱ्या असणाऱ्या घातक घटकाची गोळी करून जनावरांना चारत असल्याची माहिती माझ्यापर्यंत आल्याचे पवार यांनी सांगितले. तसेच पिकांवर फळांवर औषध फवारणी करीत असताना मानवी आरोग्यास धोका होणार नाही. यासंबंधी काळजी घेण्याचे आवाहन ही यावेळी अजित पवारांनी केले.
बैलपोळ्यानिमित्त अजित पवारांच्या हटके शुभेच्छा चावट चावट चांगभलं... असं म्हणत माजी उपमुख्यमंत्री व विरोधी पक्षनेते अजित पवार यांनी बैलपोळ्याच्या शुभेच्छा दिल्या. आपले जे सण आहेत. ते साजरे केले पाहिजेत. एकमेकांना शुभेच्छा दिल्या पाहिजेत. ही आपली परंपरा आहे. संस्कृती आहे. वडीलधाऱ्यांनी दिलेली ती आपल्याला शिकवण आहे. यात कुठेही खंड पडू द्यायचा नाही. असा भावनिक सल्ला पवारांनी दिला.
