पुणे - जिल्ह्यात कोरोनाबाधित रुग्णांचा आकडा दिवसेंदिवस वाढतच आहे. आज कोरोनाचे 271 नवीन रूग्ण आढळले असून सहा जणांचा मृत्यू झाला आहे. पुण्यातील एकूण मृतांची संख्या 314 वर गेली आहे. आज 138 जणांना डिस्चार्ज देण्यात आला. 173 रूग्ण गंभीर असून यातील 42 जण व्हेंटिलेटरवर आहेत.
आत्तापर्यंत एकूण 6 हजार 472 रुग्णांना कोरोनाची लागण झाली आहे. यातील 3 हजार 782 रूग्णांनी कोरोनावर मात केली आहे. महानगरपालिकेच्या विविध रुग्णालयात 2 हजार 376 रुग्णांवर उपचार सुरू आहेत. राज्यात मुंबईनंतर पुण्यात कोरोनाचे सर्वाधिक रूग्ण सापडले आहेत. दाट झोपडपट्टी असलेल्या भागात कोरोनाचे रूग्ण सापडण्याची संख्या मोठी आहे.
