रस्त्यावर भीक मागणाऱ्या मुलांना मुंबईच्या प्रसिद्ध हॉटेल ताजमध्ये ट्रीट; नालासोपाऱ्यातील तरुणाचा अनोखा उपक्रम

यश माने हा तरुण प्रॉपर्टी डीलिंगचे काम करून आपल्याला मिळलेल्या पैशातून तो गरीब व गरजू मुलांसाठी काम करतो. नुकतेच त्याने नालासोपाऱ्यातील रस्त्यावर भीक मागणाऱ्या मुलांना हेलिकॉप्टरमध्ये बसवून त्यांचे हवाई सफारीचे स्वप्न पूर्ण केले होते. त्यानंतर आता त्याने अशाच गरजू चार मुलांना ताजमध्ये जेवणाची ट्रीट दिली. परमेश्वर, दुश्रत, मुदासर, ज्योती आणि दिनेश अशी या पाच मुलांची नावे आहेत.

नालासोपारा (पालघर) - नालासोपारा येथे राहणाऱ्या यश माने या तरुणाने रस्त्यावर भीक मागणाऱ्या पाच मुलांना मुंबईतील प्रसिद्ध व महागड्या ताज हॉटेलमध्ये नेऊन त्यांना ट्रीट दिली आहे. त्याने मुलांना दिलेल्या अनोख्या ट्रीटनंतर मुलांच्या चेहऱ्यावरील आनंद गगनात मावेनासा झालेला पाहायला मिळाला. यश माने हा तरुण प्रॉपर्टी डीलिंगचे काम करून आपल्याला मिळलेल्या पैशातून तो गरीब व गरजू मुलांसाठी काम करतो. नुकतेच त्याने नालासोपाऱ्यातील रस्त्यावर भीक मागणाऱ्या मुलांना हेलिकॉप्टरमध्ये बसवून त्यांचे हवाई सफारीचे स्वप्न पूर्ण केले होते. त्यानंतर आता त्याने अशाच गरजू चार मुलांना ताजमध्ये जेवणाची ट्रीट दिली. परमेश्वर, दुश्रत, मुदासर, ज्योती आणि दिनेश अशी या पाच मुलांची नावे आहेत.

सर्वसामान्य नागरिक आजपर्यंत ताज हॉटेलला जाऊन जेवण करायची स्वप्न बघत आला आहे. अनेकांचे हे स्वप्न पूर्णही झालेले नाही. मात्र रस्त्यावरील मुलांचे त्यांचे मोठ्या हॉटेलमध्ये जेवण्याचे स्वप्न यशने पूर्ण केले आहे. कळकट-मळकट अंग घेऊन हॉटेलमध्ये प्रवेश केलेल्या या गरीब मुलांना पाहून हॉटेल ताजही आश्चर्यचकित झाले होते. त्यांचा अवतार पाहून त्यांना हॉटेल मध्ये प्रवेश नाकारला होता. त्यानंतर त्यांना अर्धा ते एक तास हॉटेल बाहेर तात्काळत ठेवले होते. अखेर मॅनेजमेंटशी विणवण्या केल्यानंतर त्यांना हॉटेलमध्ये प्रवेश देण्यात आला होता.

हेही वाचा - राज्यातील ग्रामपंचायती फायबर रेंजने जोडण्यात येणारं -सतेज पाटील