पालघर - राज्य उत्पादन शुल्क विभागाने विक्रमगड येथे अवैध बनावट मद्य तयार करण्याच्या गोदामावर छापा टाकला. या गोदामातून गोवा राज्यात विक्रीसाठी असलेल्या मद्याच्या 165 बाटल्या व यापासून तयार केलेल्या भेसळयुक्त मद्याच्या 194 बाटल्या जप्त केल्या आहेत. तसेच हे गोदाम बंद करून 3 जणांवर गुन्हा नोंदविण्यात आला आहे.
हेही वाचा - यवतमाळमधील बिबी गावच्या महिलांचा दुर्गावतार; गावठी हातभट्टीवर टाकली धाड
राज्य उत्पादन शुल्क विभागाने महाराष्ट्रात विक्रीसाठी असलेल्या मद्याच्या रिकाम्या बाटल्या व एक मोटारसायकल असा सुमारे 2 लाखांचा मुद्देमाल जप्त केला आहे.
हेही वाचा - गडचिरोलीत महिलांकडून दारूसाठा नष्ट; साहित्याची होळी
राज्य उत्पादन शुल्क पालघर अधीक्षक विजय भुकन व उपअधीक्षक हनीफ शेख यांच्या मार्गदर्शनाखाली निरीक्षक सुभाष जाधव, काटकर, सर्वश्री राठोड, पवार, कराड यांनी ही कारवाई केली. घटनेचा पुढील तपास सुरू आहे.
रिकाम्या बाटल्याचे काय केले जाते -
महाराष्ट्रात विक्रीसाठी असलेल्या मद्याच्या रिकाम्या बाटल्यांमध्ये भेसळयुक्त मद्य भरून ते खेड्या-पाड्यात विक्री करण्यात येते.
