पालघर/ वसई - स्थानिक गुन्हे शाखा वसई युनिटकडून नालासोपारा अलकापुरी येथे संतोष मदनबाबू नायर या व्यक्तीकडून चार गावठी कट्टे व आठ जिवंत काडतूसे हस्तगत केली आहेत. सदरची कारवाई स्थानिक गुन्हे शाखेचे प्रभारी अधिकारी जितेंद्र वनकोटी व स्थानिक गुन्हे शाखेच्या सिद्धवा जायभाये यांच्या पथकाने केली आहे. या शस्त्रांची किंमत 41 हजार 600रुपये आहे. दोनच दिवसांपूर्वी बहुजन विकास आघाडी पक्षाचे उमेदवार हितेंद्र ठाकूर यांनी विधानसभा निवडणुकीच्या रणधुमाळीत घातपात घडवला जाणार असल्याची माहिती प्रसारमाध्यमांना दिली होती.
हेही वाचा - ओमराजेंनी लोकांचे संसार बुडवल्याचा राग म्हणून केला हल्ला; आरोपीचा व्हिडिओ व्हायरल
स्थानिक गुन्हे शाखेने पकडलेला आरोपी हा फळविक्रीचा व्यवसाय करत असल्याचे समोर आले आहे. हे गावठी कट्टे व जिवंत काडतूसे त्याने युपीवरून आणले असल्याची माहिती पोलिसांनी दिली. पोलिसांनी आरोपीला न्यायालयात हजर केले असता, 20 ऑक्टोबरपर्यंत पोलीस कोठडी सुनावण्यात आली आहे.
