पालघर -पूर्व पालघरच्या गणेश नगर, औद्योगिक वसाहत परिसरातील नॅशनल फर्निचर कंपनीला अचानक आग लागली आहे. या आगीत कंपनीतील साहित्य जळून खाक झाले आहे. आग लागल्यानंतर तत्काळ अग्निशामक दलाने घटनास्थळी धाव घेतली. अग्निशामक दलाने आगीवर नियंत्रण मिळवण्यासाठी पर्यंत सुरू केले आहेत. सुदैवाने आगीत कोणतीही जीवितहानी झालेली नाही.
पूर्व पालघर परिसरात नॅशनल फर्निचर कंपनी आहे. या कंपनीत असलेल्या केमिकल टँकरला अचानक आग लागली. त्या आगीने आजूबाजूला असलेल्या साहित्याचा पेट घेतला. तेव्हा आजूबाजूच्या लोकांनी आग पाहून अग्निशामक दलाला पाचरण केले. अग्निशामक दलही तत्काळ घटनास्थळी दाखल झाले असून आगीवर नियंत्रण मिळवण्यासाठी प्रयत्न सुरू आहेत. मात्र, अद्याप आगीवर आटोक्यात आलेली नाही. या परिसरात बऱ्याच मोठ्या कंपन्या आहेत. त्यामुळे आगीवर नियंत्रण मिळवण्यासाठी प्रयत्न सुरू आहेत.