नाशिक - राज्यातील काही प्रस्थापित मराठा घराण्यामुळे विस्थापित मराठ्यांना आरक्षणपासून राहावे लागत असल्याची टीका रयत शेतकरी क्रांती संघटनेचे अध्यक्ष सदाभाऊ खोत यांनी केली आहे.
सत्तेची चावी मूठभर राजकारणांच्या हातात राहिल्याने राज्याच्या विकासावर परिणाम झाला
शासकीय विश्रामगृह येथे पत्रकार परिषदेत ते बोलत होते. मूठभर नेत्यांमुळे मराठा समाजातील गरीब लोकांवर अन्याय होत आहे. राज्य सरकारमध्ये असलेल्या विसंगतीमुळे आरक्षण न्यायालयात टिकले नाही, असा हल्लाबोल त्यांनी महाविकास आघाडीवर केला आहे. मागील सरकारच्या काळात भाजपने ज्यावेळेस निवडणुकांची घोषणा करण्यापूर्वी आम्ही कडधान्य मुक्तीचा निर्णय घेत होतो. पण, सर्व बाजार समित्यांनी त्याला विरोध केला आणि तो निर्णय होऊ शकला नाही, असे खोत म्हणाले. महाराष्ट्रात सत्तेची चावी फक्त मूठभर राजकारणांच्या हातात राहिल्यामुळे महाराष्ट्राच्या विकासावर परिणाम झाल्याचा आरोपही त्यांनी केला आहे.
भाजप सेनेची युती नैसर्गिक
सेना नेते सरनाईक यांनी मुख्यमंत्री ठाकरे यांना लिहिलेल्या पत्राबाबत विचारले असता शिवसेनेच्या आमदारांमध्ये मोठ्या प्रमाणात अस्वस्थता आहे. याच अस्वस्थतेमुळे सरनाईक यांनी मुख्यमंत्री उद्धव ठाकरे यांना पत्र लिहले असावे. भाजप-सेनेची युती नैसर्गिक असल्याचे ते म्हणाले.
... तर रस्त्यावर उतरू
पीक कर्ज मिळत नसल्यामुळे शेतकरी अडचणीत आहे. दौऱ्यांतर या अडचणी सोडवण्यासाठी वेळ पडली तर रस्त्यावर उतरून आंदोलन करणार, असा इशारा त्यांनी सरकारला दिला आहे.
हेही वाचा - जागतिक योग दिन : गिर्यारोहकांनी केले अंकाई किल्ल्यावर योगासन व वृक्षारोपण
