Dangerous Buildings : धोकादायक वाड्यांचा प्रश्न ऐरणीवर; 1192 धोकादायक वाडे, इमारतींना नोटीस

राज्यातील इतर ठिकाणी ऐन पावसाळ्यात जुन्या इमारती पडण्याच्या घटना घडत आहेत. त्याच पार्श्वभूमीवर नाशिकमध्येही जुन्या धोकादायक वाड्यांचा प्रश्न ऐरणीवर आला आहे. त्यामुळेच नाशिक महानगरपालिकेने अशा जुन्या धोकादायक सुमारे 1192 जुन्या वाड्यांना नोटीस बजावली आहे.

नाशिक : कोकणात मान्सून दाखल झाला असून, पुढील तीन दिवसात तो राज्यात सक्रिय होण्याचा अंदाज वर्तवला जात आहे. अशात शहरातील धोकादायक वाडे कोसळण्याची भीती व्यक्त केली जात आहे. यापूर्वी वाडे ढासळल्याचे प्रकार घडले आहे, यात जिवीतहानीही झाली आहे. अशात वाडे खाली करण्याबाबत महानगरपालिकेने संबंधितांना नोटिसा वाजवल्या होत्या, त्याचबरोबर वेळेत वाडे खाली न केल्यास संबंधितांचे पाणी व वीज कनेक्शन तोडण्याच्या कारवाईचा इशारा दिला होता. परंतु वाडे धारकांनी महानगरपालिकेच्या या नोटिसांना अजिबात थारा दिला नाही. आश्चर्य म्हणजे महानगरपालिका अधिकारी याकडे दुर्लक्ष करत असल्याने धोकादायक वाड्यांच्या प्रश्न गंभीर बनला आहे.

घरमालक सहकार्य करत नाही : नाशिक शहरातील सुमारे 1192 धोकादायक वाडे, घरे, इमारतीची यादी तयार करून संबंधित जागा व घर मालकांना नोटिसा बजावून संभाव्य धोक्याबाबत अवगत करण्यासाठी नोटिसा काढल्या. सहाही विभागीय अधिकाऱ्यांमार्फत या नोटिसा घर मालकांना बजावून त्यांना घर रिकामी करण्यासाठी पंधरा दिवसाची मुदत दिली. मात्र अनेक घरमालकानी या नोटीसा घेण्यास नकार दिला, तर काहींनी न्यायालयीन वादाचे कारण देत नोटीसा मिळाल्यावर स्वाक्षरी करण्यास विरोध दर्शवला.

दोन दिवसात मान्सूनचे आगमन : नगररचना विभागाच्या कर्मचाऱ्यांना अशा घरांचे पंचनामे करण्याच्या सूचना आल्या. त्यांनी पंचनामा केल्यास धोकादायक घरे अथवा वाड्यांमध्ये राहणाऱ्या रहिवाशांनी या पंचनामावर स्वाक्षरी अथवा त्याची प्रत स्वीकारण्यास नकार दिला. पुढील दोन दिवसात मान्सूनचे आगमन होणार असल्याचे संकेत हवामान खात्याने दिले आहे. वादळी वारा व मुसळधार पावसाची शक्यता वर्तवली जात आहे. अशा परिस्थिती धोकादायक घरांमधील व्यक्तींसाठी घरात राहणे धोकादायक ठरू शकते, परंतु घरमालकच त्यासाठी सहकार्य करत नसल्याचे नगर रचना विभागाने सांगितले.

जाहीर नोटीस देणार : धोकादायक घरे वाड्यांना नोटीसा बजावण्यास कर्मचारी गेले असता, मालकांनी त्या स्वीकारल्या नाहीत. उलट कर्मचाऱ्यांना दमदाटी करण्याचे प्रकार घडले आहे. पंचनामावर स्वाक्षरी केली जात नाही, दुर्घटना घडल्यास महानगरपालिका जबाबदार धरले जाते. ते पहा आता धोकादायक घरांना जाहीर नोटीस देण्यात येणार असल्याचे नाशिक महानगरपालिका नगररचना विभागाचे कार्यकारी अभियंता संजय अग्रवाल यांनी सांगितले.


हेही वाचा -