नाशिक- प्रजासत्ताक दिनानिमित्ताने मनमाड शहरात काल (रविवारी) भरगच्च कार्यक्रमाची रेलचेल होती. शहरातील सर्व शासकीय कार्यालये, शाळा महाविद्यालये तसेच राजकीय पक्ष व सामाजिक संघटनानी ध्वजारोहण करत प्रजासत्ताक दिन साजरा केला.
हेही वाचा- बुरहान वाणीला कंठस्नान घालणाऱ्या 'या' अधिकाऱ्याला राष्ट्रपती पोलीस पदक
नांदगाव तालुक्यातील मनमाड शहरात रविवारी विविध कार्यक्रमाचे आयोजन करण्यात आले होते. ऑल इंडिया एससी एसटी असोसिएशन या रेल्वे कामगार संघटनेने शहरातील सर्व जातीधर्मातील धर्मगुरूच्या नेतृत्वाखाली संविधानाची मिरवणूक काढत एकात्मता यात्रा काढली. डॉ. बाबासाहेब आंबेडकर रेल्वे क्रीडांगण येथून रॅलीस सुरुवात करण्यात आली. शहरातील शाळेतील मुला-मुलींचे लेझीम पथक अग्रभागी ठेऊन यात्रेला सुरुवात करण्यात आली. शहरातील विविध मार्गावरुन यात्रा नेऊन डॉ. बाबासाहेब आंबेडकर यांच्या पुतळ्याजवळ समारोप करण्यात आला. यावेळी भारतीय संविधानाच्या उद्देशिकेचे सामूहिक वाचन करण्यात आले.
यावेळी सतिश केदारे (झोनल सचिव ऑल इंडिया एस सी एसटी रेल्वे एम्प्लॉइज असोसिएशन) सिद्धार्थ जोगदंड, प्रवीण आहिरे, संदीप नाना पगारे, रमेश पगारे, किरण आहिरे, सुनिल सोनवणे, सागर गरूड, सागर साळवे, प्रेमदीप खडताळे, हर्षल सुर्यवंशी, रोहित भोसले, संदीप धिवर, संदीप पगारे, अनिल आहिरे विवोद खरे, रविद्र पगारे, किशोर खडागळे, अर्जुन बागूल, दीपक अस्वले, संतोष सावंत, विजय गेडाम, सुभाष जगताप, अनिल भोसले, शरद झोबाड, विशाल त्रिभुवन उपस्थित होते.
