नंदुरबार - कोरोनामुळे विद्यार्थ्यांच्या शिक्षणाची मोठ्या प्रमाणात वाताहात झाली. ऑनलाईन शिक्षणासाठी सुविधा उपलब्ध नसल्याने ग्रामीण भागातील विद्यार्थ्यांना शिक्षणापासून वंचित राहावे लागले. अशा परिस्थितीत जिल्ह्यातील ब्राम्हणपुरी गटातल्या मोडकळीस आलेल्या शाळांची दुरुस्ती करून जिल्हा परिषद शाळेच्या शिक्षकांनी 'भिंतीवरची शाळा' हा एक अनोखा उपक्रम राबवला. या माध्यमातून कोरोनाकाळात वेळेचा सदुपयोग करून जिल्हा परिषदेच्या शिक्षकांनी येथील विद्यार्थ्यांना शैक्षणिक धडे दिले आहेत.
ब्राह्मणपुरीत रंगल्या भिंतीवरच्या शाळा गरीब वस्तीत रंगल्या शैक्षणिक भिंती
लॉकडाऊन काळात शाळा बंद असल्यामुळे शाळा बंदच होत्या. तसेच ऑनलाईन शिक्षण घेण्याकरिता ब्राम्हणगावातील विद्यार्थ्यांना अँड्रॉइड मोबाईल नव्हते. त्यामुळे हे विद्यार्थी शिक्षणापासून वंचितच होते. ही परिस्थिती पाहता ब्राह्मणपुरी जिल्हा परिषद शाळेतील शिक्षकांनी गरीब वस्तीत जाऊन तेथील भिंतींवर अभ्यास रेखाटला. या माध्यमातून लहान मुलांना बारखडी, गणीत, विज्ञानाच्या काही संकल्पनाची माहिती पाहिज्या त्यावेळी भिंतीवरती उपलब्ध झाल्या, विद्यार्थ्यांना या माधम्यातून शिक्षणाची गोडी निर्माण करण्याचे काम या शिक्षकांनी केले आहे.
ब्राह्मणपुरीत रंगल्या भिंतीवरच्या शाळा ब्राह्मणपुरी गटात असलेल्या सर्व जिल्हा परिषद शाळांमध्ये विद्यार्थ्यांची गुणवत्ता वाढवावी यासाठी भिंती वरची शाळा प्रयोग राबविले जात आहेत. याकरिता शिक्षण विभागाने वेळोवेळी मार्गदर्शन करून शैक्षणिक साहित्यासह गुणवत्ता वाढीसाठी प्रयत्न केले. यात सुजालपूर, सुलतानपूर, सुलवाडे यासह सर्व गावांमध्ये असे प्रयोग राबविले जात असल्याची माहिती श्यामराव ईशी यांनी दिली.
ब्राह्मणपुरी डिजिटल प्रयोगब्राह्मणपुरी जिल्हा परिषद शाळेत सुसज्ज असे डिजिटल क्लासरूम बनविण्यात आले आहेत. या ठिकाणी विद्यार्थ्यांशी ऑनलाईन पद्धतीने शिक्षणाचे धडे शिकविले जात आहेत. त्याचबरोबर विद्यार्थ्यांना येणाऱ्या अडचणी सोडविण्यासाठी विद्यार्थ्यांना डिजिटल वर्गाद्वारे मार्गदर्शन शिक्षक करीत आहेत.
ग्रामपंचायतीच्या मदतीने रंगल्या शाळेतील भिंती -शहादा तालुक्यात मोठ्या ग्रामपंचायतींपैकी एक असलेल्या ब्राह्मणपुरी ग्रामपंचायत आहे. येथील ग्रामपंचायत सरपंच व ग्रामसेवक यांच्या स्थानिक निधीतून ब्राह्मणपुरी जिल्हा परिषद शाळेची दुरुस्ती करून भिंतींवर अभ्यासक्रम रंगवण्यात आला आहे. शालेय भिंतींवर गमतीशीर गोष्टी, कविता यासह अभ्यासक्रम रेखाटल्याने विद्यार्थ्यांना याचा फायदा होणार आहे.
