नंदुरबार - भरधाव वेगातील ट्रकच्या धडकेत एका दुचाकीस्वाराचा जागीच मृत्यू झाला तर, एकजण जखमी झाल्याची घटना धुळे-सुरत महामार्गावर नवापूर येथे घडली. याप्रकरणी ट्रकचालक योगेश धर्मा गावित (रा.सोनखांब ता. नवापूर) याच्याविरुध्द नवापूर पोलीस ठाण्यात गुन्हा दाखल करण्यात आला आहे. ज्ञानेश्‍वर ताराचंद खैरनार (वय 32) असे मृत्यू झालेल्या व्यक्तीचे नाव असून गोकुळ ताराचंद खैरनार (वय 65) असे जखमी व्यक्तीचे नाव आहे.
बारडोली येथील ज्ञानेश्‍वर खैरनार व गोकुळ खैरनार हे दोघे भाऊ दुचाकीने धुळे-सूरत महामार्गावरून जात होते. दरम्यान, भरधाव वेगातील ट्रकने समोरून दुचाकीला जबर धडक दिली. या अपघातात गंभीर जखमी झाल्याने ज्ञानेश्‍वरचा जागीच मृत्यू झाला. तर, गोकुळ हे जखमी झाले आहेत. ही घटना नवापूर शहरातील नगरपालिका गार्डनजवळ घडली. या अपघातात दुचाकीचे नुकसान झाले असून सचिन शांतीलाल मिस्त्री यांनी याप्रकरणी तक्रार दिली आहे. त्यानुसार ट्रक चालकावर मोटार वाहन कायद्याप्रमाणे गुन्हा दाखल करण्यात आला आहे. घटनेचा पुढील तपास पोलीस करीत आहेत.
हेही वाचा - नंदुरबारमध्ये प्रचाराला वेग; प्रचार साहित्यांनी सजली दुकाने
हेही वाचा - अडीच लाखांचा अवैध लाकूडसाठा जप्त; नंदुरबार-नवापूर वनविभागाची दोघांवर कारवाई
