नंदुरबार- सरदार सरोवर प्रकल्प बाधितांच्या विविध प्रश्नांसाठी आज नर्मदा बचाव आंदोलनाच्या कार्यकर्त्यांनी सरोवराचे राज्याचे सल्लागार अफरोज अहमद यांना घेराव घातला. अफरोज अहमद नंदुरबार जिल्हाधिकारी कार्यालयात सरदार सरोवर पुनर्वसन कार्याचा आढावा घेण्यासाठी आले होते. त्यादरम्यान कार्यकर्त्यांनी त्यांना घेराव घातला होता.
सरदार सरोवर प्रकल्प बधितांना अजूनपर्यंत जमिनी मिळाल्या नाहीत. गुजरात सरकारनेही पुनर्वसनासाठी पैसे दिले नाहीत. त्याचबरोबर सरदार सरोवर प्रकल्प कार्यालयातील रिक्त पदांमुळे मोठ्या कामनाही अडथळा निर्माण होत आहे. त्यामुळे रिक्त पदे त्वरित भरवून इतर मांगण्यांच्या पुर्ततेसाठी अफरोज यांना घेराव घालण्यात आला होता.
अफरोज यांनी नर्मदा बचाव आंदोलनाच्या कार्यकर्त्यांना समस्यांचे निराकरण करण्याचे आश्वासन दिल्यानंतरच कार्यकर्त्यांकडून आंदोलन मागे घेण्यात आले. कार्यकर्त्यांनी अचानक घेराव घातल्याने पोलीस प्रशासनाचीही तारांबळ उडाली होती.
