नंदुरबार - अक्कलकुवा मतदारसंघातून आमदार डॉक्टर विजयकुमार गावित यांच्या कन्या उमेदवारी अर्ज दाखल करण्यासाठी आल्या मात्र, 03:01 अर्थात एक मिनिट उशीर झाल्यामुळे निवडणूक निर्णय अधिकारी यांनी त्यांना माघारी पाठवले. त्यामुळे त्यांचा उमेदवारी अर्ज दाखल झाला नाही.
हेही वाचा - खडसे, बावनकुळे अन् तावडेंच्या उमेदवारीवर मुख्यमंत्री म्हणाले...
अक्कलकुवा मतदारसंघातून आमदार डॉ. विजयकुमार गावित यांची लहान कन्या डॉ. सुप्रिया गावित या निवडणूक लढण्यास इच्छुक होत्या. आज उमेदवारी अर्ज दाखल करण्याच्या शेवटच्या दिवशी डॉ. सुप्रिया गावीत व त्यांचे समर्थक एक मिनिटांनी म्हणजे तीन वाजून एक मिनिटांनी आल्याने त्यांना उमेदवारी अर्ज दाखल करण्यास निवडणूक निर्णय अधिकाऱ्यांनी नकार दिला. त्यामुळे त्यांना निराशा होऊन माघारी जावे लागले.
हेही वाचा - पीएमसी घोटाळा : बँकेचा माजी व्यवस्थापक संचालक जॉय थॉमसला अटक
