नांदेड - शस्त्रक्रियेसाठी अवयव घेऊन जाण्यासाठी आलेले चार्टड विमान नांदेड विमानतळावर धावपट्टीवरून घसरले. ही घटना बुधवारी मध्यरात्री १२ वाजताच्या सुमारास घडली. सुदैवाने या घटनेत कोणालाही दुखापत झालेली नाही.
अपघातग्रस्त झालेल्या विमानाचे दृश्य
काल रात्री शहरात ग्रीन कॉरिडॉर देण्यात आला होता. त्यानंतर अवयव घेऊन जाण्यासाठी नांदेड विमानतळावर दोन चार्टड विमान येणार होते. त्यापैकी एक विमान नांदेडच्या विमानतळावर सुरक्षित पोहचले तर दुसरे विमान उतरताना धावपट्टीवरून थेट बाजूला गवतात शिरले. ही घटना बुधवारी मध्यरात्री १२ वाजताच्या सुमारास घडली होती. सुदैवाने या विमानातील डॉक्टरांची टीम आणि पायलट बचावले आहेत.
