अर्धापूरमध्ये अज्ञात वाहनाच्या धडकेत एकाचा मृत्यू

भीमराव लोणे हे मंगळवारी होळीनिमित्त आपल्या मुलीकडे गेले होते. ते सायंकाळी घरी परतत असताना लहान गावच्या बसस्थानकाजवळ अज्ञात वाहनाने त्यांना जोरदार धडक दिली. यामध्ये त्यांचा मृत्यू झाला आहे.

नांदेड - अज्ञात वाहनाने धडक दिल्यामुळे एका व्यक्तीचा जागीच मृत्यू झाल्याची घटना समोर आली आहे. भीमराव लोणे (वय - 52 रा. लहान, ता. अर्धापूर ) असे मृत नागरिकाचे नाव आहे.

याबाबत अधिक माहिती अशी की, भीमराव लोणे हे मंगळवारी होळीनिमित्त आपल्या मुलीकडे दाभड (ता. अर्धापूर) व नांदेड येथील मुलीकडे गेले होते. ते सायंकाळी लहान येथील घरी परतत असताना लहान गावच्या बसस्थानकाजवळ अज्ञात वाहनाने त्यांना जोरदार धडक दिली.

हेही वाचा - 'या' दिवशी मध्य रेल्वेवरील लाईन ब्लॉकमुळे मुंबईला जाणाऱ्या दोन एक्स्प्रेस रद्द

यामध्ये भिमराव लोणे गंभीर जखमी झाले. त्यांना डॉ. शंकरराव चव्हाण शासकीय रूग्णालय विष्णूपुरी नांदेड येथे उपचारासाठी नेत असतांना वाटेतच त्यांचा मृत्यू झाला. रूग्णालयात डॉक्टरांनी तपासणी करून लोणे यांना मृत घोषित केले. भीमराव लोणे यांच्या पश्चात पत्नी, दोन मुलं, दोन मुली असा परिवार आहे.

हेही वाचा - नांदेड : बिलोली तालुक्यात वादळी वाऱ्यामुळे रब्बी पिकांचे नुकसान...