जालना - भोकरदन तालुक्यातील श्रीक्षेत्र राजूर गणपती जन्मोत्सव सोहळा मोठ्या उत्साहात संपन्न झाला. या सोहळ्यानिमित्त विविध कार्यक्रमाचे आयोजन करण्यात आले होते. यावेळी भाविकांची उपस्थिती लक्षणीय होती.
राजूर येथील 'श्री गणपती मंदिर' हे साडेतीन पीठांपैकी मुख्य पीठ असल्यामुळे याचे विशेष महत्त्व मानले जाते. यामुळे श्री गणपती मंदिरात महाराष्ट्र राज्यासह परराज्यातील भाविक मोठ्या संख्येने दर्शन घेण्यासाठी गर्दी करत असतात.
हेही वाचा - रहमती पीरच्या तिसऱ्या उरुसासाठी राज्यभरातून भाविकांची हजेरी
गणेश जन्मोत्सव सोहळ्यानिमित्त केंद्रीय राज्यमंत्री रावसाहेब पाटील दानवे, ह.भ.प. रामराव महाराज ढोक, गणपती संस्थान अध्यक्ष तथा तहसीलदार भोकरदन तहसीलदार संतोष गोरड, गणपती संस्था राजूर पुजारी गणेश साबळे, राजूर सरपंच भाऊसाहेब भुजंग, ह.भ.प. नरेंद्र महाराज गुरव, अनिल पाटील महाराज गुरव, ह.भ.प. विष्णु महाराज सास्ते, दादा महाराज पाटील, राहुल दरक यांच्यासह आदी असंख्य भाविक मोठ्या संख्येने उपस्थित होते.
हेही वाचा - ग्रामीण भागातील विद्यार्थी हुशारच.. त्यांच्यात गुणवत्ता ठासून भरलेली
