नांदेड - कोरोनाचा संसर्ग रोखण्यासाठी शासनाकडून अनेक उपाययोजना करण्यात येत आहे. याच पार्श्वभूमीवर १७ मार्चपासून पुढील आदेशापर्यंत नांदेड जिल्ह्यातील सर्व न्यायालयातील न्यायिक कामाची वेळ दुपारी १२ ते ३ वाजेपर्यंत राहणार आहे. तर न्यायालयीन कार्यालय रोज सकाळी साडेअकरा ते साडेतीनपर्यंत सुरु राहणार आहे. असे आदेश जिल्हा न्यायाधीश दीपक धोलकीया यांनी दिले आहेत.
नांदेड जिल्ह्यातील सर्व न्यायालयातील न्यायिक कामकाजाच्या वेळेत बदल
हेही वाचा... कोरोना इफेक्ट: श्रीमंत दगडूशेठ हलवाई मंदिर बंद
कोरोनाचा संसर्ग रोखण्यासाठी कामकाजाच्या वेळेत बदल करण्यात आला असून जिल्हा न्यायिक विभागातील अभिवक्ता संघात कामकाजाच्या वेळेव्यतिरिक्त कोणीही उपस्थित राहणार नाही, याची दक्षता घ्यावी. पक्षकारांनाही निकड व आवश्यकता असेल तरच न्यायालयात बोलवावे, असे या आदेशात नमूद करण्यात आले आहे.
