नांदेड जिल्ह्यात पहिली ते आठवीचे वर्ग 30 जानेवारीपर्यंत बंद ; जिल्हादंडाधिकाऱ्यांचे आदेश

नांदेड जिल्ह्यात पहिली ते आठवीचे वर्ग 30 जानेवारी पर्यंत बंद ठेवण्याचे ( Classes I to VIII in Nanded district closed till January 30 ) आदेश देण्यात आले आहेत. वाढत्या कोरोना प्रसाराला रोखण्यासाठी जिल्हादंडाधिकाऱ्यांनी आदेश ( District Magistrate's order to stop Corona ) दिले आहेत.

नांदेड : राज्यात कोरोना महामारीने धुमाकूळ घातला आहे. त्यामुळे आता ऑफलाईन सुरु झालेल्या शाळा पुन्हा बंद कराव्या लागत आहेत. तसेच नांदेड जिल्ह्यात कोरोनाचा वाढता प्रादुर्भाव लक्षात घेता जिल्हादंडाधिकारी डॉ. विपीन इटनकर ( District Magistrate Dr.Vipin Itankar ) यांनी सर्व विभागांचा आढावा घेतला आहे. त्यांनी शालेय विद्यार्थ्यांच्या सुरक्षतेसाठी इयत्ता पहिली ते आठवीचे वर्ग 30 जानेवारी पर्यंत बंद ठेवण्याचे आदेश काढले ( Classes I to VIII in Nanded district closed till January 30 ) आहेत. तथापि विद्यार्थी जर घरीच बसून ऑनलाईन माध्यमाद्वारे शिक्षण घेत असेल तर त्याला काही व्यत्यय येणार नाही. परंतु, इयत्ता 9 वी ते 12 वीचे वर्ग कोरोना विषयक नियमांचे पालन करुन प्रत्यक्ष सुरू राहतील. त्याचबरोबर कोविड-19 विषयक सर्व नियमांचे व मार्गदर्शक सूचनांचे पालन शाळा व्यवस्थापनाने करणे बंधनकारक आहे.

एखादा रुग्ण जर आढळून आला, तर शाळा तात्काळ बंद करुन आवश्यक त्या उपाय योजना करण्याचे ही निर्देश या आदेशात देण्यात आले आहेत. शिक्षकांनी कोविड काळात शाळेत उपस्थित राहून ऑनलाईन शिक्षण विषयक कामकाज करावे. त्याचबरोबर कोविड प्रतिबंधक विषयक जिल्हा प्रशासनाने दिलेली सर्व जबाबदारी पार पाडावी. असे या आदेशात स्पष्ट केले आहे. हे आदेश दि. 10 ते 30 जानेवारी, 2022 पर्यंत नांदेड जिल्हा क्षेत्रात लागू ( Orders in Nanded district January 10 to 30, 2022 ) राहतील.