नांदेड - गुरुवारी जिल्ह्यात कोरोनाचे पाच नवीन रुग्ण आढळले. बाधित रुग्णांमध्ये तीन नांदेड जिल्ह्यातील तर दोन जण हिंगोलीचे आहेत. नव्याने आढळलेल्या रुग्णांमुळे नांदेडमधली रुग्णसंख्या 143 वर पोहोचली आहे तर आत्तापर्यंत सात जणांचा मृत्यू झाला आहे.
नांदेड जिल्ह्यात गेल्या दोन दिवसात दिलासादायक स्थिती होती. कोरोनाचा केवळ एकच रुग्ण आढळला होता. मात्र, शुक्रवारी पुन्हा पाच जणांचे अहवाल पॉझिटिव्ह आल्यामुळे नांदेडची रुग्णसंख्या वाढली आहे. या रुग्णांमध्ये मिल्लतनगर, लोहारगल्ली-मुखेड, कसबे येथील प्रत्येकी एका रुग्णाचा तर हिंगोलीतील दोन रुग्णांचा समावेश आहे. यामध्ये चार पुरुष व एका स्त्रीचा समावेश असून सर्व 28 ते 40 या वयोगटातील आहेत. नांदेडमधील विविध कोरोना केअर सेंटरमध्ये या रुग्णांवर उपचार सुरू आहेत. गुरूवारी १०४ पैकी ९७ अहवाल निगेटिव्ह आले आहेत.
