५० वर्षात पहिल्यांदाच वेणाच्या घशाला कोरड;पाण्याची भीषण स्थिती

१९६८ पासून पहिल्यांदाच पाऊस कमी पडल्याने वेणा जलाशय कोरडा पडला आहे. त्यामुळे गेल्या ५० वर्षातील पहिलीच घटना आहे. त्यामुळे पाण्याचा गंभीर प्रश्न निर्माण झाला आहे.

नागपूर - दुष्काळाच्या सावटाखाली असलेल्या शेतकरी आणि जनावरांना आधार असलेल्या वेणा डॅम ५० वर्षात पहिल्यांदाच आटला आहे. वेणाच्या घशाला कोरड पडली असून केवळ घोटभरच पाणी शिल्लक आहे. जनावरांना प्यायला पाणी नाही, अशी दुष्काळी स्थितीत आधार असलेला वेणा डॅमदेखील कोरडा पडला आहे.

वेणा जलाशयातील पिण्याचे पाणी परिसरातील कळमेश्वर, एमआयडीसी, ऑर्डन्स फॅक्टरी अंबाझरी डिफेन्स यासारख्या परिसरात जाते, मात्र जलसाठा कोरडा पडल्याने पाण्याचे प्रश्न आताही उदभवत आहे. काही क्षेत्रात वरूणराजाची कृपा आहे, मात्र वेणा जलाशयाला भेगा पडल्या आहेत ४५० हेक्टर परिसरात पसरलेल्या या धरणात अगदी क्षुल्लकच पाणी शिल्लक आहे. २१.६४२ दश लक्ष घन मीटर एवढी पाणी साठविण्याची क्षमता आहे. त्यामुळे या पाण्यावर अवलंबून असलेलले शेतकरी पावसाची चातकासारखी वाट पहात आहेत. १९६८ पासून पहिल्यांदाच पाऊस कमी पडल्याने वेणा जलाशय कोरडा पडला आहे.