नागपूर : नितीन गडकरी यांच्या जनसंपर्क कार्यालयात आज शनि्वार (दि. 14 जानेवारी)रोजी सकाळी साडेअकरा वाजताच्या दरम्यान एक फोन आला होता. दरम्यान, हा फोन एकदाच नाही तर तीनवेळा आला आहे. 11:32, 11:37 आणि 12:35 असा तीनवेळा हा कॉल आला आहे. त्या फोनवर समोरून बोलरा व्यक्ती दाऊद हस्तक असल्याचे बोलत होता. यामध्ये दाऊदच्या नावाचा वापर करत खंडणी मागत असल्याचेही यामध्ये समोर आले आहे. तसेच, या व्यक्तीने नितीन गडकरी यांना जीवे मारण्याची धमकी दिली आहे.
काही सेकंदातच त्याने फोन कट केला : नितीन गडकरी यांचे खामल्यात जनसंपर्क कार्यालय आहे. या कार्यालयात फोन आला. त्या फोनवरून बोलणाऱ्या व्यक्तीने दाऊद इब्राहिमचा हस्तक असल्याचे सांगून नितीन गडकरी यांना जीवे मारण्याची धमकी दिली आणि काही सेकंदातच त्याने फोन कट केला. फोन घेणाऱ्याने लगचे भारतीय जनता पक्षातील वरिष्ठांना ही माहिती दिली. त्यानंतर पोलिसांनाही माहिती देण्यात आली. अर्ध्या तासातच गडकरी यांच्या संपर्क कार्यालयाच्या सुरक्षेत वाढ केली आहे. तसेच, दहशतवाद विरोधी पथक आणि नक्षलवाद विरोधी अभियानाचे पथकासह अन्य यंत्रणा सतर्क झाली आहे.
परिसरातही पोलीस बंदोबस्त वाढवला : पोलीस आयुक्त अमितेश कुमार यांनी गडकरी यांचे वर्धा रोडवरील घर आणि खामल्यातील जनसंपर्क कार्यालयासमोर मोठा ताफा तैनात केला आहे. शस्त्रधारी पोलिसांची तुकडी तैनात करण्यात आली असून, घराकडे आणि जनसंपर्क कार्यालयाकडे जाणारे रस्ते तात्पुरत्या स्वरुपात बंद करण्यात आले आहे. नागपूर पोलिसांची बॉम्ब शोधक नाशक पथक आणि श्वानपथकहा सज्ज ठेवण्यात आले आहे. पोलिसांनी परिसरातही बंदोबस्त वाढवला आहे.
कर्नाटकातल्या हुबळीहुन आले फोन: केंद्रीयमंत्री आणि भारतीय जनता पार्टीचे ज्येष्ठ नेते नितीन गडकरी यांना जीवे मारण्याची धमकी मिळाली आहे. नितीन गडकरी यांच्या खामला येथील कार्यालयातील फोनवर धमकी देणारे तीन फोन आले होते. धमकीचे तीन फोन आले असून दोन कोटी रुपयांची खंडणी मगितल्याची माहिती समोर आली आहे. ते तीनही फोन हुबळी येथून आल्याचं तपासात निष्पन्न झालं असून त्या अनुषंगाने पोलिसांनी तापस सुरू केला आहे.
एका तासात तीन कॉल: नितीन गडकरी यांच्या जनसंपर्क कार्यालयात सकाळी साडेअकरा वाजताच्या पहिला फोन आला. त्यानंतर साडे बारा वाजताच्या दरम्यान आणखी दोन फोन आले.पलीकडून बोलणा-या व्यक्तीने दाऊद ईब्राहिमचा हस्तक असल्याचे बोलत असल्याचं सांगितलं. यावेळी आरोपीने नितीन गडकरी यांना जीवे मारण्याची धमकी दिली. यासंदर्भात भारतीय जनता पक्षातील नेत्यांना माहिती मिळताचं त्यांनी कार्यालयाकडे धाव घेतली. स्थानिक पोलिसांसह दहशतवाद विरोधी पथक आणि नक्षलवाद विरोधी अभियानाचे पथकासह अन्य यंत्रणा सतर्क झाले आहेत.
गडकरी आज नागपुरात:गडकरी यांच्या वर्धारोडवरील निवासस्थानावर आणि खामल्यातील जनसंपर्क कार्यालयजवळ पोलिसांचा मोठा ताफा तैनात करण्यात आला आहे. केंद्रीय मंत्री नितीन गडकरी आज नागपूरला आहेत. ते संध्याकाळी विदर्भ साहित्य संघ तर्फे आयोजित पुरस्कार सोहळ्यात सहभागी होणार आहे त्यानंतर ते रात्री खासदार क्रीडा महोत्सव अंतर्गत विविध ठिकाणी सुरू असलेल्या क्रीडा स्पर्धांना भेटी देणार आहेत.
