नागपूर- देवेंद्र फडणवीस यांच्या नेतृत्वातील सरकार कोसळताच महाविकास आघाडीच्या सरकार स्थापनेचा मार्ग मोकळा झाला आहे. फडणवीस यांनी राजीनामा देताच नागपुरातील राष्ट्रवादीच्या कार्यकर्त्यांनी जल्लोष केला आहे.
अवघ्या ७९ तासात देवेंद्र फडणवीस यांनी मुख्यमंत्री पदाचा राजीनामा दिल्याने भाजप सरकार कोसळले. उपमुख्यमंत्री पदावरून अजित पवार यांनी राजीनामा देताच बहुमताचा आकडा गाठणे शक्य नसल्याचे कारण सांगून फडणवीस यांनी सुद्धा राजीनामा दिला. त्यानंतर नागपूर शहरात राष्ट्रवादीच्या कार्यकर्त्यांनी एकच जल्लोष करायला सुरुवात केली. राज्याचे माजी मंत्री आणि राष्ट्रवादीचे जेष्ठ नेते अनिल देशमुख यांच्या श्रद्धा या बंगल्यासमोर राष्ट्रवादीच्या कार्यकर्त्यांनी फटाके फोडले आणि मिठाई वाटून बँडच्या तालावर ठेका धरल्याचे पहायला मिळाले.
हही वाचा- ...अशी असेल विश्वासदर्शक चाचणी!
