शरीरिक संबंध आला तरच तो लैंगिक अत्याचार - नागपूर खंडपीठ

शरीराचा शरीराशी जोपर्यंत संबंध येत नाही तोपर्यंत त्याला लैंगिक अत्याचार म्हणता येणार नाही, असे उच्च न्यायालयाच्या नागपूर खंडपीठाच्या न्यायाधीश पुष्पा गनेडीवाला यांनी म्हटले आहे.

नागपूर - शरीराचा शरीराशी प्रत्यक्ष संबंध आला नसल्यास तो लैंगिक अत्याचार ठरणार नाही. तो पॉक्सो अंतर्गत लैगिक अत्याचार होणार नाही, असे निरीक्षण मुंबई उच्च न्यायालयाच्या नागपूर खंडपीठाने नोंदवले आहे. 12 वर्षीय अल्पवयीन मुलीच्या लैंगिक अत्याचारात शिक्षा सुनावलेल्या प्रकरणात हा निकाल देण्यात आला.

नागपूर शहरातील गिट्टी खदान पोलीस ठाण्याच्या हद्दीत एका 39 वर्षीय व्यक्तीवर 12 वर्षीय मुलीचा लैंगिक अत्याचार केल्याचा आरोप होता. या प्रकरणात आरोपीला शिक्षाही सुनावण्यात आली होती. पण, याबाबत आरोपीच्या वकीलाने नागपूर खंडपीठात आव्हान दिले होते. यावर सुनावणी करताना न्यायाधीश पुष्पा गनेडीवाला यांनी निरीक्षण नोंदवले. त्यांनी नोंदवलेल्या टिप्पणीनुसार शरीराला शरीराशी संपर्क किंवा स्पर्श होणार नाही. कपड्यावरुन केलेली चाचपणी लैंगिक अत्याचार म्हणता येणार नसल्याचे गनेडीवाला यांनी सांगितले.

विनयभंग ठरल्यास शिक्षेस पात्र

या प्रकरणात निकालात पॉक्सोच्या कलम 8 अंतर्गत हा लैंगिक अत्याचार ठरणार नाही. पण, यानुसार भा.दं.वि.च्या 354 अंतर्गत विनयभंग ठरू शकतो. असे असल्यास त्या प्रकरणात 1 वर्षापर्यंत कारावासाची शिक्षा होऊ शकेल, असेही न्यायाधिशांनी सांगितले.

या प्रकरणातही न्यायलयाने पीडितेच्या तक्रारीनुसार शरीराचा स्पर्श न झाल्याने पॉक्सो किंवा लैंगिक अत्याचाबाबतचे या प्रकरणातील कलम बाद करण्यात आले. तद्नंतर भा.दं.वि.च्या कलम 354 नुसार एका वर्षाची शिक्षा आरोपीला सुनावण्यात आली आहे.