DCM Devendra Fadnavis: पुन्हा येईल म्हणालो होतो... आता मी तर आलोच, इतरांनीही सोबत घेऊन आलो- देवेंद्र फडणवीस

नागपूरमध्ये भारतीय जनता पक्षाचे प्रदेश संघटन मंत्री डॉ. उपेंद्र कोठेकर यांच्या काव्यसंग्रहाचा प्रकाशन सोहळा होता. त्याला राज्याचे उपमुख्यमंत्री देवेंद्र फडणवीस उपस्थित होते. त्यावेळी बोलताना ते म्हणाले की, पुन्हा येईल म्हणालो होतो. तेव्हा अडचण झाली, पण आता मी तर आलोच इतरांनीही सोबत घेऊन आलो आहे.

नागपूर : देवेंद्र फडणवीस यांनी 2019 मध्ये 'मी पुन्हा येईल' असे वक्तव्य केले होते, परंतु त्यानंतर त्यांचे सरकार आले नाही. त्यांच्या या वक्तव्यावरून त्यांच्यावर मोठ्या प्रमाणात टीका झाली होती. शनिवारी एका कार्यक्रमात कवी मनाचे उपमुख्यमंत्री देवेंद्र फडणवीस बघायला मिळाले. त्यांनी अनेक कवितांची रचनादेखील केली आहे. भाजपच्या बैठकीत आवर्जून शेवटच्या बाकावर बसून त्यांनी कविता रचल्या आहेत. परंतु २०१९ साली रचलेली कवितेमुळे मोठी अडचण झाल्याचे त्यांनी मान्य केले. ते म्हणाले मीसुद्धा विधानसभा निवडणुकीत पुन्हा येईल, अशी कविता म्हटली होती. मी पुन्हा येईल, पुन्हा येईल असे म्हटले होतो. त्यावेळेस मला माहिती नव्हते की, इतकी अडचण होईल.

• 🕤 9.43pm | 08-07-2023📍 Nagpur | रा. ९.४३ वा | ०८-०७-२०२३ 📍नागपूर
  LIVE | पुस्तक प्रकाशन व ध्वनिफीत प्रकाशन सोहळा https://t.co/5nx29eo5Zf

  — Devendra Fadnavis (@Dev_Fadnavis) July 8, 2023 " class="align-text-top noRightClick twitterSection" data="

  🕤 9.43pm | 08-07-2023📍 Nagpur | रा. ९.४३ वा | ०८-०७-२०२३ 📍नागपूर
  LIVE | पुस्तक प्रकाशन व ध्वनिफीत प्रकाशन सोहळा https://t.co/5nx29eo5Zf

  — Devendra Fadnavis (@Dev_Fadnavis) July 8, 2023

  ">

  🕤 9.43pm | 08-07-2023📍 Nagpur | रा. ९.४३ वा | ०८-०७-२०२३ 📍नागपूर
  LIVE | पुस्तक प्रकाशन व ध्वनिफीत प्रकाशन सोहळा https://t.co/5nx29eo5Zf

  — Devendra Fadnavis (@Dev_Fadnavis) July 8, 2023

काव्यसंग्रहाच्या दुसऱ्या आवृत्तीचा प्रकाशन सोहळा : कविता म्हटली तेव्हा लोकांनी अक्षरशः डोक्यावर घेतली. आठ-दिवसात दहा भाषेत अनुवाद करून टाकले. त्याच्यानंतर आमचे सरकार आले नाही. या कवितेमुळे सरकार आले नाही, असे देखील अनेकांनी सांगितले. शेवटी मला हे सांगावे लागले की, मी जे पुन्हा येईन म्हटले होते. त्यानुसार मी तर आलोच आणि इतरांनाही सोबत घेऊन आलो. परवा अजून एकाला सोबत घेऊन आलो, असे उपमुख्यमंत्री देवेंद्र फडणवीस म्हणाले आहेत. ते भारतीय जनता पक्षाचे प्रदेश संघटन मंत्री डॉ.उपेंद्र कोठेकर यांचा तिसरा काव्यसंग्रह 'दिक्कालाच्या मांडवात' तसेच, 'काठावर दूर नदीच्या' या त्यांच्या प्रथम काव्यसंग्रहाच्या दुसऱ्या आवृत्तीचा प्रकाशन सोहळ्यात बोलत होते.

कविता ही मानवी संवेदना : वेगवेगळ्या परिस्थितीमध्ये कविता वेगवेगळ्या प्रकारे आपल्याला त्याचा प्रत्यय देत असते, असे देवेंद्र फडणवीस म्हणाले आहेत. कविता ही मानवी संवेदना आहे. त्याचे अर्थ किंवा त्याचा प्रत्यय हा कालाप्रमाणे बदलत असतो. आपण ज्या मानसिकतेत असतो, त्या मानसिकतेत त्या कवितेचा प्रत्यय आपल्याला मिळत असतो असे ते म्हणाले आहेत. ही गोष्ट खरी आहे की, ज्यावेळी मी आणि उपेंद्र कोठेकर भारतीय जनता पक्षाच्या बैठकीमध्ये बसायचो. त्यावेळेस आम्ही शेवटी बसत होतो. त्यावेळेस काही ना काही कविता लिहायचो. कदाचित मला असे वाटते की, ते नोटपॅड आज सापडले तर त्याचे प्रकाशन आपण निश्चितपणे करू शकतो. मनीषाताई तो नोटपॅड शोधून काढावा, अशी त्यांनी मिश्किल टिप्पणीदेखील केली.

हेही वाचा :