घाटकोपरमध्ये खळबळ! सासू आणि पतीच्या जाचाला कंटाळून महिलेने केली आत्महत्या

Woman Suicide Case: घाटकोपर पोलीस ठाण्याच्या हद्दीत असलेल्या कमानी कुर्ला परिसरात एका 25 वर्षीय महिलेने पती आणि सासूच्या त्रासाला कंटाळून आत्महत्या केली आहे. (interrogation of husband) याप्रकरणी मृत महिलेच्या आईने दिलेल्या तक्रारीवरून घाटकोपर पोलीस ठाण्यात आरोपी विरुद्ध विविध कलमांन्वये गुन्हा दाखल करण्यात आला आहे. हा गुन्हा काल रात्री उशिरा पावणे बारा वाजताच्या सुमारास दाखल करण्यात आला असल्याची माहिती घाटकोपर पोलीस ठाण्याचे वरिष्ठ पोलीस निरीक्षक बळवंत देशमुख यांनी दिली आहे.

मुंबई Woman Suicide Case: मृत महिलेचे नाव लक्ष्मी उर्फ मानसी उचकिल्ला असं आहे. मानसी हिने नऊ तारखेला रात्री साडेबारा वाजताच्या सुमारास एका ओळखीच्या व्यक्तीने मानसीची आई आजम्मा बोडी आणि वडिलांना फोन करून राहत्या घरात मानसीने आत्महत्या केल्याची माहिती दिली. (beating of wife) मानसीची आई आजम्मा तायप्पा बोडी (वय 46 वर्षे) ह्या आपल्या कुटुंबासह तेलंगणा राज्यातील नारायण पेठ जिल्ह्यात राहतात. आपल्या मुलीने राहत्या घरी आत्महत्या केल्याची माहिती कळताच त्यांनी लागलीच ठाण्यात राहणारा आपल्या भावाला याबाबत माहिती दिली आणि घाटकोपर मधील राजावाडी रुग्णालयात पाठवले.

हुंड्यासाठी मानसीला मारहाण: मानसीच्या आईने पोलिसांना माहिती दिली आहे की, मानसीचे लग्न 12 मे 2022 ला सतीश उचकील्ला याच्यासोबत झाले. त्यानंतर ती त्याच्यासोबत कुर्ला कमानी येथील बाल गोपाळ मित्र मंडळ येथे राहत होती. मात्र लग्नात हुंडा दिला नाही या कारणामुळे पती सतीश आणि सासू अंजम्मा मानसीला शिवीगाळ करून मारहाण करत होते. या त्रासाबाबत मानसीने आपल्या आईला माहिती दिली होती. मात्र मुलीचा संसार मोडू नये थोडे नवरा-बायको मध्ये वाद होतात, अशी समजूत घातली. मात्र लग्नानंतर दोन ते तीन महिन्यानंतर तिचे सासरची मंडळी घरातील खर्चासाठी मानसीकडे पैशांची मागणी करून तिला मानसिक त्रास देत असत. त्यावेळी मानसीच्या आई वडिलांनी 1 लाख रुपय रोख रक्कम सासरच्या लोकांना दिली. ते पैसे परत करण्यासाठी देखील मानसीच्या लग्नात घातलेले दोन तोळ्याचे सोन्याचे मंगळसूत्र मोडले एक लाख रुपये परत केले होते.