मुंबई : अंडरवर्ल्ड डॉन दाऊद इब्राहिमच्या नावाने वानखेडे कुटुंबियांना धमकी मिळत आहेत. मुंबई एनसीबीचे माजी प्रमुख समीर वानखेडे आणि त्यांची पत्नी क्रांती रेडकर यांनी सोशल मीडियावरून जीवे मारण्याच्या धमक्या दिल्याचा आरोप केला आहे. समीर वानखेडे यांनी मुंबई पोलिसांच्या वरिष्ठ अधिकाऱ्यांना धमकी मिळाल्यानंतर माहिती दिली आहे.
डी कंपनीच्या नावाने धमक्यांमुळे वानखेडे यांच्या पत्नी, अभिनेत्री क्रांती रेडकर तणावात आहेत. ही धमकी बनावट ट्विटर अकाउंटवरून देण्यात आल्याचा दावा करण्यात येत आहे. धमकी देणाऱ्या व्यक्तीने त्यांच्या लहान मुलींनाही धमकी दिली आहे. धमक्यांनंतर समीर वानखेडे यांची पत्नी आणि मराठी अभिनेत्री क्रांती रेडकर यांनी विचारले आहे की, भविष्यात त्यांच्यावर किंवा तिच्या कुटुंबावर हल्ले झाले तर जबाबदार कोण? या धमक्या गांभीर्याने घेत समीर वानखेडे पोलिसात तक्रार करणार आहेत.
विदेशातील ट्विटर हँडलवरून धमक्याक्रांती रेडकर म्हणाल्या, आम्हाला धमक्या देणे, ट्रोल करणे खूप दिवसांपासून सुरू आहे. त्याकडे आम्ही दुर्लक्ष करत आलो आहोत. आम्ही अशा लोकांना ब्लॉक करतो. मात्र दोन दिवसांपासून धमक्यांची वेगळ्या पद्धतीने मालिका सुरू झाली आहे. ज्या दोन ट्विटर हँडलवरून धमक्या येत आहेत. ते वेगळेच दिसत आहेत. ते भारतीय ट्विटर हँडल नसून विदेशातील ट्विटर हँडल आहेत. हे लोक भारताचा द्वेष करतात. ते लोक दाऊदचे नाव घेऊन आम्हाला धमक्या देत आहेत. आमच्या मुलांची नावे घेतात. देशाला शिव्या देत आहेत. धमक्या देणारे केंद्र सरकार आणि समीर वानखेडे यांना शिवीगाळ करत आहेत.
भविष्यात आमच्यावर किंवा आमच्या कुटुंबावर कोणी हल्ला केला, अ‍ॅसिड फेकले किंवा अपहरण केले, तर त्याला जबाबदार कोण? हा गंभीर प्रश्न आहे. त्यामुळे जे घडत आहे. त्याविरोधात आवाज उठवला पाहिजे. त्यामुळे या धमक्यांबाबत आम्ही पोलिसांत तक्रार दाखल करणार आहोत-क्रांती रेडकर
वानखेडेंवरील आरोपपत्राबाबत सीबीआयकडून उच्च न्यायालयात प्रतिज्ञापत्र- समीर वानखेडे यांच्यावरील आरोपा संदर्भात भ्रष्टाचार प्रतिबंधात्मक कायदा 1988 मधील कलम 17 नुसार गुन्हा नोंदविल्यानंतर त्यांनी अटकेपासून संरक्षण मिळविण्याकरिता उच्च न्यायालयात धाव घेतली. मुंबई उच्च न्यायालयाने समीर वानखेडे यांना अटकेपासून 8 जूनपर्यंत मुंबई उच्च न्यायालयाने दिलासा दिलेला आहे. सीबीआयने 3 जून रोजी प्रतिज्ञापत्र उच्च न्यायालयात दाखल करत आरोपपत्र योग्य असल्याचे म्हटले आहे. त्यामुळे समीर वानखेडे यांच्या अडचणीत वाढ झाली आहे.
हेही वाचा-
- CBI Affidavit In Court: समीर वानखेडेवरील एफआयआर व आरोप उचित, सीबीआयचे उच्च न्यायालयात प्रतिज्ञापत्र
- Sameer Wankhede Bribe Case : आर्यन खान खंडणी प्रकरण ; ज्ञानेश्वर सिंगांना 9 लाख दिल्याचा सॅम डिसुजाचा याचिकेत आरोप
- Sameer Wankhede Bribe Case: सॅम डिसूजाला अटकेपासून संरक्षण नाहीच, चौकशीला सामोरे जाण्याचे हायकोर्टाचे आदेश
