मुंबई - कोरोनाचा मार्च २०२० रोजी मुंबईत शिरकाव झाल्यानंतर झपाट्याने संसर्ग पसरला. त्यामुळे आरोग्य यंत्रणाही अपुरी पडली. या काळात तात्पुरत्या सेवेसाठी कर्मचाऱ्यांची नेमणूक करण्यात आली होती. त्यांनी दिवस-रात्र सेवा दिली. कोरोना काळातील या सेवेसाठीचे प्रमाणपत्रही मुंबई महानगरपालिकेकडून त्यांना देण्यात आले होते. ही सेवा बजावताना अनेकांना संसर्ग झाला. तर काहींचा मृत्यू झाला. कोरोनाची प्रभाव कमी झाल्यानंतर या कर्मचाऱ्यांनी कायम सेवेत समावेश करून घ्यावा अशी मागणी मुंबई महानगरपालिकेकडे केली होती. नुकतीच काँग्रेसचे विरोधी पक्षनेते रवी राजा यांनीही हीच मागणी आयुक्तांना पत्र लिहून केली होती. आता आयुक्तांच्या घोषणेमुळे या कोरोना वॉरियर्सना मोठा दिलासा मिळाला आहे.
५ हजार स्वच्छता दूत - संपूर्ण मुंबईत सुशोभीकरणाच्या कामाअंतर्गत पाच हजार स्वच्छता दूत नेमण्याची घोषणा मुख्यमंत्री एकनाथ शिंदे यांनी नुकतीच केली आहे. या पाच हजार जणांमध्ये १२०० जणांची नेमणूक करण्यात आली आहे. या सर्वांना कोरोना काळात दिलेल्या मानधना इतकाच पगार दिला देणार असल्याचे आयुक्तांनी कार्यक्रमात जाहीर केले आहे. या निर्णयामुळे नर्सेस आणि वॉर्ड बॉय यांना मोठा दिलासा मिळाला आहे.
