Sanjay Raut News: या कर्माची फळ त्यांना भोगावे लागतील... ठाकरे कुटुंबाची सुरक्षा कमी केल्याने संजय राऊत आक्रमक

एकनाथ शिंदे-देवेंद्र फडणवीस सरकारने सुरक्षेत कपात करून ठाकरे कुटुंबाला मोठा धक्का दिल्याचं बोलले जात आहे. उद्धव ठाकरे यांना दिलेली झेड प्लस सुरक्षा काढून घेण्यात आली आहे. उद्धव ठाकरेंच्या ताफ्यातील अतिरिक्त वाहने आणि मातोश्रीबाहेरील सुरक्षा व्यवस्थेत कपात करण्यात आली आहे. मुंबई महापालिकेतील कथित कोविड घोटाळ्याच्या संदर्भात ईडीचे छापे सुरू असताना महाराष्ट्र सरकारने ही सुरक्षेत कपात केल्याने ठाकरे गटाचे नेते आक्रमक झाले आहेत. यावर खासदार संजय राऊत यांनी देखील आपली भूमिका स्पष्ट केली.

मुंबई : केंद्र सरकार आणि या राज्यातील सरकार हे बाळासाहेब ठाकरे यांची शिवसेना आणि आम्ही सगळे, ठाकरे कुटुंबियांशी सुडाच्या भावनेने वागते हे स्पष्ट होते. नेत्यांची सुरक्षा काढणे व ठाकरे कुटुंबांची सिक्युरिटी काढणे असे अत्यंत खालच्या पद्धतीचे उद्योग हे सरकार करत आहे. या सरकारची बौद्धिक आणि वैचारिक पातळी ही तेवढीच असल्यामुळे त्यांच्याशी वाद घालण्यात काही अर्थ नाही. त्यांना त्याच्यातच मजा वाटते. पण, या कर्माची फळ त्यांना भोगावे लागेल हे मी सांगतो. राज्यासह देशातील महत्त्वाच्या विविध मुद्द्यांवर खासदार संजय राऊत यांनी पत्रकारांशी संवाद साधला. ते मुंबईत आपल्या निवासस्थानी माध्यमांशी बोलत होते.

पुढे बोलताना खासदार राऊत म्हणाले की, मातोश्री सिक्युरिटी काढणे, ठाकरे कुटुंबाचे सिक्युरिटी काढणे, शिवसेनेच्या नेत्यांचे सिक्युरिटी काढणे यातच सरकारचा वेळ चालला आहे कटकारस्थान करणे सुडाच्या कारवाया करणे त्याच्या पलीकडे या सरकारच पाऊल पडताना मला दिसत नाही. आता यासंदर्भात काय करायचे आम्ही पाहू. या गोष्टीमुळे यांना वाटत असेल आम्ही माघार घेऊ शरण जाऊ.. तर हा गैरसमज आहे.

तशी हिंमत आहे का?- दादा भुसे हे देवेंद्र फडणवीस यांच्या मंत्रिमंडळात मंत्री आहेत. मी त्यांचा भ्रष्टाचार उघड केला आहे. त्यांच्यावर कारवाई का होत नाही? काल देवेंद्र फडणवीस नाकाने कांदे सोलत सांगत होते ना? काय झाले कोणी चुकीच केले? केंद्र सरकारच्या एजन्सी पोलिसांऐवजी घुसतात. हा या सरकारच्या गृहमंत्राचा अपमान आहे. जर कोणी फ्रॉड केले, चोरी केली तर पोलीस आहेत ना.. इथे! राधाकृष्ण विखे पाटील यांच्या गणेश सहकारी कारखान्यात त्यांचा पराभव का झाला? तर हा तुमच्या भाजपच्याच लोकांनी पराभव केला आहे. राधाकृष्ण विखे पाटील यांच्या संस्थेत झाकीर नाईक साडेचार कोटी रुपये का देतो? हिम्मत आहे, फडणवीस यांची चौकशी करण्याची किंवा ईडीची तशी हिंमत आहे का?

स्वत:च्या घरापासून साफसफाई करा: गृहमंत्र्यांना व ईडीला पत्र पाठविले आहे. राधाकृष्ण विखे पाटील यांच्या खात्यामध्ये झाकीर नाईकच्या टेरेरिंग फंडिंगचा आरोप आहे. साडेचार कोटी रुपये का मिळाले? कसे आले? फडणवीस यांच्याकडे गृहमंत्रीपद आहे म्हणन? माहिती नसेल तर आम्ही द्यायला तयार आहोत. राहुल कुल पाचशे कोटींच्या मनी लॉन्ड्रीग प्रकरणाची काल आणि परवा सगळी कागदपत्र ईडीकडे पोहोचली आहेत. त्याची पोचपावती माझ्याकडे आहे. राहुल कुल भारतीय जनता पक्षाचे दौंडचे आमदार आहेत. त्यांनी पूर्ण कारखाना विकला. फडणवीस यांनी काय केले? हिम्मत आहे याच्यावर बोलण्याची? तुम्हाला भ्रष्टाचाराविरोधी खरे काही कराचं असेल तर स्वत:च्या घरापासून साफसफाई करा.

मुख्यमंत्र्यांच्या घरातलीच लोक कमिशन..वर्षावर बसले आहेत मुख्यमंत्र्यांची पोरंटोर हे खरे लाभार्थी आहेत. भ्रष्टाचार झाला असेल तर फक्त राजकीय विरोधकांवर धाडी का? वर्षा बंगल्यावर जाऊन बघा त्यातलेच वर्षा बंगल्यावर बसले आहेत. स्टँडिंग कमिटी चेअरमन असतील इतर कमिटीचे चेअरमन असतील. ठाणे कल्याण डोंबिवली इथे सुद्धा कोविड सेंटर उभी राहिली आहेत. मुख्यमंत्र्यांच्या घरातलीच लोक त्यामध्ये कमिशन घेत होती ना? असा आरोप खासदार संजय राऊत यांनी केला आहे.

हेही वाचा-