मुंबई : मुलगा असो की मुलगी, लग्नानंतर प्रत्येकाच्या आयुष्यात काही ना काही बदल ( life change after marriage ) होतात. जर तुम्ही देखील विवाहित असाल तर तुम्हाला असे वाटले असेल की तुम्ही लग्नापूर्वी जसे होते तसे आता नाही. जबाबदारी वाढते आणि तुम्ही आधी जेवढा वेळ घराबाहेर घालवायचा त्यापेक्षा कमी वेळ मित्रांना देता. लग्नानंतर जबाबदाऱ्या वाढतात, लग्नाआधी तुम्ही तुमचे आयुष्य अधिक एक्सप्लोर करू शकता. लग्नापूर्वी काही गोष्टी महत्त्वाच्या असतात असे तज्ञ सांगतात. जर तुम्हीही लग्न करण्याचा विचार करत असाल तर लग्नापूर्वी या गोष्टी करण्याचा सल्लाही तज्ज्ञ देतात.
आर्थिकदृष्ट्या प्रबळ : प्रत्येकासाठी आर्थिकदृष्ट्या स्वतंत्र असणे खूप महत्त्वाचे ( Economically strong ) आहे. हे लग्नापूर्वी केले पाहिजे. आर्थिकदृष्ट्या मजबूत असला तर लग्नानंतर कितीही अडचणी आल्यातरी त्या पार करू शकतो. कठीण काळात बँक बॅलन्सने परिस्थितीशी लढा देऊ शकता.
जोडीदाराशी भांडण्याचा प्रयत्न करा : तज्ज्ञांच्या मते, लग्नाआधी, तुम्ही होणाऱ्या जोडीदारासोबत ( fight with partner ) भांडा. त्याने तुम्हाला जोडीदार तुमच्या अडचणीच्या किंवा भांडणाच्या वेळी कसे हाताळतो याचीही जाणीव होईल. हीच यशस्वी विवाहाची गुरुकिल्ली आहे. कधी-कधी एकाच मुद्द्यावर गैरसमज किंवा भिन्न मतांमुळे जोडप्यांमध्ये मतभेद होतात. त्यामुळे, लग्नाआधी जोडीदाराशी निरोगी भांडण करा, तुमच्या जोडीदाराची तुम्हाला हाताळण्याची, स्वतःला समजून घेण्याची आणि परिस्थितीशी लढण्याची किती क्षमता आहे हे तुम्ही शोधू शकता.
प्रवास : तुमच्या आजूबाजूचे सुंदर जग पाहण्याची आणि अनुभवण्याची संधी तुम्हाला अजून मिळाली नसेल, तर लग्नाआधी भेट देण्याची हीच योग्य वेळ आहे. नाहीतर लग्नानंतरच्या जबाबदाऱ्यांमुळे नुसतेच बेत आखले जातात आणि कित्येकदा असे होते की शेवटच्या वेळी फिरायला जाण्याचे बेत रद्द केले जातात. तथापि, जर तुमच्या जोडीदारालाही प्रवासाची आवड असेल तर लग्नानंतर तुम्ही एकत्र फिरू शकता.
छंद विकसित करा : प्रत्येक माणसाला काही ना काही छंद ( Develop hobby ) असतो. पण असे बरेच लोक आहेत ज्यांना कशाचीच आवड नाही. पण छंद माणसाला रंजक बनवतात. हे त्या लोकांनी समजून घेतले पाहिजे. लग्नापूर्वी तुमचे छंद जोपासा जसे की धावणे, वाचन, लेखन, योग किंवा पुस्तके वाचणे इत्यादींचा छंद जोपासने गरजेचे आहे. तुमच्या आवडीच्या गोष्टी केल्याने मन चांगले राहील आणि तणावही दूर होईल. यामुळे तुमचे वैवाहिक जीवन खूप चांगले राहील.
बदल समजून घ्या : लग्नानंतर तुमचे मित्र ( Understand changes ) बदलतात. लग्नाआधी तुमचे अनेक मीत्र मैत्रिणी असतात. पण लग्नानंतर तुमचे त्यांच्याशी बोलणे कमी होऊ लागते. त्यामुळे लग्नाआधी एक फ्रेंड सर्कल तयार करा. ज्याच्या मदतीने तुम्ही लग्नानंतरही तुम्हाला मित्र परिवार बदलण्याची गरज राहत नाही. अशी भक्कम सपोर्ट सिस्टीम किंवा फ्रेंड सर्कल खूप महत्वाचे आहे.
दिसण्याकडे लक्ष केंद्रित करा : अनेकदा लोक त्यांच्या दिसण्याकडे फारसे लक्ष देत ( Focus on grooming ) नाहीत. तथापि, प्रत्येकाला चांगले तयार झालेले लोक आवडतात. म्हणून आपल्या ग्रूमिंगकडे देखील लक्ष देण्यासाठी वेळ काढला पाहिजे. असे केल्याने तुमचा आत्मविश्वास वाढतो. आणि तो दीर्घकाळ टिकून राहतो.
