मुंबई, Ration Card Application Status : रेशन कार्ड हे राज्य सरकारनं जारी केलेलं अधिकृत दस्तऐवज आहे. याद्वारे पात्र कुटुंबं अनुदानित दरानं धान्य खरेदी करू शकतात. राज्यातील ज्या लोकांना अद्याप रेशन कार्ड (Ration card) मिळालेलं नाही, ते ऑनलाइन माध्यमातून अर्ज करून ते मिळवू शकतात. मात्र नागरिक रेशन कार्डच्या ज्या प्रकारासाठी अर्ज करत आहेत त्यासाठी ते पुरेसे पात्र असले पाहिजेत. (Ration card application maharashtra)
घरबसल्या यादीत नाव पाहता येणार : महाराष्ट्रातील ज्या नागरिकांनी रेशन कार्ड स्टेटससाठी अर्ज केला आहे, त्यांना रेशन कार्ड यादीत आपलं नाव पाहण्यासाठी कोणत्याही सरकारी कार्यालयात जाण्याची गरज भासणार नाही. रेशन कार्ड यादीत त्यांना त्यांचं नाव घरबसल्या पाहता येणार आहे (Ration card online check). दरवर्षी शिधापत्रिका यादीतील नावं महाराष्ट्र शासनाकडून लाभार्थीच्या वयानुसार अपडेट (Ration card online update) केली जातात.
रेशन कार्डची तीन प्रकारात विभागणी : महाराष्ट्र शासनाने रेशन कार्डची तीन प्रकारात विभागणी केली आहे. लोकांची आर्थिक स्थिती लक्षात घेऊन ही विभागणी करण्यात आली आहे.
- APL रेशन कार्ड : हे रेशन कार्ड दारिद्र्यरेषेच्या वर असलेल्या लोकांना दिलं जातं. APL रेशन कार्ड मिळविण्यासाठी तुमचं वार्षिक उत्पन्न १,००,००० रुपये किंवा त्यापेक्षा कमी असावं लागतं. या रेशन कार्डचा रंग पांढरा असतो.
- BPL रेशन कार्ड : दारिद्र्यरेषेखालील लोकांना BPL रेशन कार्ड दिलं जातं. BPL रेशन कार्ड मिळविण्यासाठी तुमचं वार्षिक उत्पन्न १५,००० ते १,००,००० रुपयापर्यंत असावं लागतं. हे रेशन कार्ड पिवळ्या रंगाचं असतं.
- अंत्योदय रेशन कार्ड : अंत्योदय रेशन कार्ड अत्यंत गरीब लोकांना दिलं जातं. हे रेशन कार्ड भगव्या रंगाचं असतं. जे लोक कमावते नाहीत, त्यांना हे रेशन कार्ड दिलं जातं.
रेशन कार्डचे फायदे :
- रेशन कार्ड राज्यातील लोकांची ओळख म्हणून काम करतं.
- हे एक असं दस्तऐवज आहे, जे राज्यातील नागरिकांना राष्ट्रीय अन्न सुरक्षा कायद्यांतर्गत जारी केलेले तांदूळ, गहू, साखर, केरोसीन, तीळ इत्यादी अनुदानित धान्य आणि इतर वस्तू सवलतीच्या दरात उपलब्ध करून देतं.
- APL, BPL रेशन कार्डमुळे राज्यातील जनतेला अत्यंत कमी किमतीत धान्य आणि जीवनावश्यक वस्तू मिळण्यास मदत होते. याद्वारे त्यांचा आर्थिक भार कमी होतो.
रेशन कार्ड साठी लागणाऱ्या कागदपत्रांची यादी :
- आधार कार्ड
- पॅन कार्ड
- उत्पन्नाचा दाखला
- पासपोर्ट आकाराचा फोटो
- गॅस कनेक्शन
- मोबाईल नंबर
रेशन कार्ड यादीत नाव कसं तपासायचं : राज्यातील ज्या लाभार्थींना महाराष्ट्र रेशन कार्ड यादी २०२३ मध्ये त्यांचं नाव तपासायचं आहे, त्यांनी खाली दिलेल्या पद्धतीचा अवलंब करावा.
- सर्वप्रथम अर्जदाराला अन्न विभागाच्या http://mahafood.gov.in/ या अधिकृत वेबसाइटवर जावं लागेल.
- अधिकृत वेबसाइटला भेट दिल्यानंतर, स्क्रीनवर मुख्य पेज उघडेल.
- होम पेजवर तुम्हाला सार्वजनिक वितरण प्रणालीचा पर्याय दिसेल. या पर्यायावर क्लिक करा.
- पर्यायावर क्लिक केल्यानंतर, तुमच्या समोर पुढील पेज उघडेल. या पेजवर तुम्हाला रेशन कार्डचा पर्याय दिसेल. त्यावर क्लिक करा.
- यानंतर, एक नवीन पेज उघडेल. या पेजवर तुम्हाला जिल्हा वर्गीकरण आणि रेशन कार्डधारकांची संख्या असा पर्याय दिसेल. या पर्यायावर क्लिक करा.
- या पर्यायावर क्लिक केल्यानंतर, तुम्हाला रेशन कार्डची यादी मिळेल. अशा प्रकारे, तुम्ही रेशन कार्ड यादीत तुमचे नाव तपासू शकता.
रेशन कार्डसाठी अर्ज कसा करावा : या योजनेंतर्गत अर्ज करू इच्छिणाऱ्या इच्छुक लाभार्थ्यांनी खाली दिलेल्या पद्धतीचा अवलंब करावा.
- सर्वप्रथम, तुम्हाला अन्न आणि पुरवठा विभागाच्या http://mahafood.gov.in/ या अधिकृत वेबसाइटवर जावं लागेल.
- अधिकृत वेबसाइटला भेट दिल्यानंतर, होम पेज आपल्या समोर उघडेल.
- या होम पेजवर तुम्हाला Download चा पर्याय दिसेल. तुम्हाला या पर्यायावर क्लिक करावं लागेल. क्लिक केल्यानंतर पुढचं पेज तुमच्या समोर ओपन होईल.
- या पेजवर तुम्हाला Application For New Ration Card या पर्यायावर क्लिक करावं लागेल. पर्यायावर क्लिक केल्यानंतर, रेशन कार्ड अप्लिकेशन फॉर्म PDF उघडेल.
- तुम्ही हे डाउनलोड करू शकता. अर्ज डाउनलोड केल्यानंतर, तुम्हाला अर्जामध्ये विचारलेली सर्व माहिती भरावी लागेल.
- सर्व माहिती भरल्यानंतर, तुम्हाला तुमची सर्व आवश्यक कागदपत्रे अर्जासोबत जोडावी लागतील. यानंतर, तुम्हाला तुमच्या जवळच्या अन्न पुरवठा विभागात जाऊन अर्ज सादर करावा लागेल.
हेही वाचा :
