राज्यात कोरोना उपचारासाठी ३० विशेष रुग्णालये; आरोग्यमंत्री टोपेंची घोषणा

राज्य शासनामार्फत कोरोना प्रतिबंधासाठी प्रभावी उपाययोजनांची अंमलबजावणी केली जात आहे. राज्यात चाचण्यांची सुविधा वाढवताना आवश्यकता भासल्यास रुग्णांवर उपचारासाठी जिल्हा रुग्णालयात विलगीकरण कक्ष करण्यात आले आहेत. मात्र, कोरोना रुग्णांची वाढती संख्या लक्षात घेता आता उपचारासाठी विशेष रुग्णालये घोषित करण्यात आली आहेत.

मुंबई - कोरोनाला रोखण्यासाठी आरोग्य विभागाने राज्यातील ३० शासकीय रुग्णालये कोरोना उपचारासाठी विशेष रुग्णालये म्हणून घोषित केली आहेत. या रुग्णालयांत केवळ कोरोना रुग्णांवर उपचार केले जातील. त्यासाठी अधिसूचना काढण्यात आली असून, २ हजार ३०५ खाटा कोरोनाबाधितांच्या उपचारासाठी उपलब्ध झाल्या असल्याची माहिती आरोग्यमंत्री राजेश टोपे यांनी दिली. अधिसूचनेमुळे या रुग्णालयांना संशयित आणि कोरोना निदान झालेल्या रुग्णांना केंद्र आणि राज्य शासनाने वेळोवेळी दिलेल्या मार्गदर्शक सूचनांनुसार उपचार करणे बंधनकारक असणार आहे.

"राज्यात कोरोना उपचारासाठी ३० विशेष रुग्णालये घोषित"

राज्य शासनामार्फत कोरोना प्रतिबंधासाठी प्रभावी उपाययोजनांची अंमलबजावणी केली जात आहे. राज्यात चाचण्यांची सुविधा वाढवताना आवश्यकता भासल्यास रुग्णांवर उपचारासाठी जिल्हा रुग्णालयात विलगीकरण कक्ष करण्यात आले आहेत. मात्र, कोरोना रुग्णांची वाढती संख्या लक्षात घेता आता उपचारासाठी विशेष रुग्णालये घोषित करण्यात आली आहेत. त्यानुसार आरोग्य संचालकांनी अधिसूचना काढली आहे.

जिल्हा आणि त्यातील अधिसूचीत रुग्णालयाचे नाव कंसात खाटांची संख्या -

ठाणे - जिल्हा रुग्णालय, टी. बी. बिल्डिंग (१००), मीरा भाईंदर- पंडित भीमसेन जोशी रुग्णालय (१००)

वाशी - सामान्य रुग्णालय (१२०), कल्याण-डोंबिवली मनपा-शास्त्री नगर दवाखाना (१००),

रायगड - पनवेल उपजिल्हा रुग्णालय (१००),

नाशिक - कुंभमेळा बिल्डिंग व महानगरपालिका कठडा हॉस्पिटल अनुक्रमे (१००) (७०),

अहमदनगर - जिल्हा रुग्णालय (१००),

नंदूरबार - डोळ्यांचा दवाखाना (५०),

धुळे- जिल्हा रुग्णालय शहारातील इमारत (५०),

पुणे - जिल्हा रुग्णालय, औंध (५०),

सातारा - सामान्य रुग्णालय (६०),

सिंधुदुर्ग - नविन इमारत एएमपी फंडेड (७५),

रत्नागिरी - सामान्य रुग्णालय व कळंबोळी उपजिल्हा रुग्णालय अनुक्रमे (१००) (५०),

औरंगाबाद - जिल्हा रुग्णालय (१००),

हिंगोली- जिल्हा रुग्णालय (१००), हिंगोली- कळमनुरी उपजिल्हा रुग्णालय (५०),

लातूर- उदगीर उपजिल्हा रुग्णालय (५०),

उस्मानाबाद- जिल्हा रुग्णालय, नविन इमारत (१००), उमरगा उपजिल्हा रुग्णालय टीसीयू बिल्डिंग (५०) आणि तुळजापूर उपजिल्हा रुग्णालय नविन इमारत (५०),

नांदेड- जिल्हा रुग्णालय जुने (५०) आणि मुखेड उपजिल्हा रुग्णालय (५०),

अमरावती- विशेषोपचार रुग्णालय नविन इमारत (१००),

वाशिम- जिल्हा रुग्णालय, डीईआयसी इमारत (५०),

बुलडाणा- स्त्री रुग्णालय नविन इमारत (१००),

वर्धा- सामान्य रुग्णालय (५०),

भंडारा- सामान्य रुग्णालय एएमसीएच विंग नविन इमारत (८०)

, गडचिरोली- जिल्हा रुग्णालय (१००)

या सर्व जिल्हा रुग्णालयातील सर्व खाटा मिळून २३०५ खाटा कोरोनाबाधित रुग्णांसाठी उपलब्ध होणार आहेत.