मुंबई : चांगल्या भविष्यासाठी पालक आपल्या मुलांना चांगल्या शाळेत पाठवतात. मुलांना चांगले शिक्षण मिळते, पण कठीण परिस्थितीशी लढण्याचे कौशल्य त्यांना पुस्तकी ज्ञानाशिवाय प्रेक्टिकलमधूनच ( Practical Knowledge Important ) मिळते. पालकच मुलांना घरी जबाबदारीचे धडे शिकवतात. पालक त्यांना लहानपणापासूनच प्रत्येक संकटासाठी तयार करू शकतात. यासाठी पालकांनी लहानपणापासूनच अशा सवयी मुलांमध्ये रुजवाव्यात, जेणेकरून ते बाहेरच्या जगात वावरताना, कोणत्याही अडचणीत असतील तर त्यांना धीराने तोंड देतात. लहानपणापासूनच मुलांना जबाबदारीची जाणीव करून दिली पाहिजे. मुलांना जबाबदार बनवण्यासाठी पालकांनी या चार गोष्टी केल्या ( Parenting Tips ) पाहिजेत.
शिस्त : लहान मुले असो वा प्रौढ, जीवनात शिस्त आवश्यक आहे. त्यांना लहानपणापासूनच शिस्त लावायला शिकवा जेणेकरून ते मोठे झाल्यावर चांगले आणि निरोगी जीवन जगतील. मुलांना रोज सकाळी वेळेवर उठायला शिकवा, त्यानंतर संपूर्ण दिवसाच्या कामाचे वेळापत्रक तयार करा आणि ती सर्व कामे वेळेवर पूर्ण करा. यावरून मुलांना वेळ आणि प्रत्येक गोष्टीची किंमत ( children aware of responsibilities ) कळते.
घरातील कामात मदत करणे : अनेकदा पालकांना असे वाटते की मुलांनी अभ्यासात पूर्ण लक्ष केंद्रित केले पाहिजे. यासाठी ते त्यांना कोणतेही काम करण्यास सांगत नाहीत. पण असे करू नका. मुलांना घरातील कामात मदत करायला सांगा. त्याला घरची कामेही ( Housework Help) शिकवा. मुलगा असो वा मुलगी, दोघांनाही घर कसे स्वच्छ करायचे, स्वतःची खोली कशी व्यवस्थित करायची हे माहित असले पाहिजे.
मुलांना जबाबदार बनवा : चांगल्या भविष्यासाठी वेळेचा आदर करणे आवश्यक आहे. मुलांनी सर्व कामे योग्य वेळी केली पाहिजेत. यासाठी त्यांनी वेळ पाळली पाहिजे. मुले नेहमीच तुमच्यासोबत नसतात. मोठे झाल्यावर त्यांना अभ्यास किंवा नोकरीसाठी तुमच्यापासून दूर जावे लागेल. अशा परिस्थितीत त्यांनी वेळेबाबत काटेकोर रोहणे गरजेचे आहे.
योग्य आणि अयोग्यचा फरक : पालकांनी आपल्या पाल्याला योग्य आणि अयोग्य ओळखायला शिकवले पाहिजे. काय चूक आणि काय बरोबर हे त्यांनी समजणे गरजेचे आहे. चुकीचे काय परिणाम होऊ शकतात. हे सर्व मुलांना अगोदरच कळले तर ते जाणूनबुजून किंवा नकळत चुकीचे काम करणे टाळतील.
