मुंबई - पूरग्रस्त सांगली आणि कोल्हापूर या जिल्ह्यात महाराष्ट्राच्या कानाकोपऱ्यातुन मदत येत आहे. येथील नागरिकांना मदतीचा हात देण्यासाठी राज्यभरातून अनेक हात पुढे येत असतानाच आज (मंगळवारी) नाशिक इंडस्ट्री आणि मॅन्युफॅक्चर असोसिएशनने १४ लाख २६ हजार रुपयांचा धनादेश मुख्यमंत्री सहाय्यता निधीत जमा केला आहे.
पुरग्रस्तांसाठी नाशिक इंडस्ट्रियल मॅन्युफॅक्चर असोसिएशनकडून १४ लाखांची मदत
आमच्याकडून आज जमा करण्यात आलेला निधी हा जिल्ह्यातील मॅन्युफॅक्चर इंडस्ट्रीचा असून गरज पडल्यास या निधीमध्ये मोठ्या प्रमाणात वाढ करण्यात येईल, अशी माहिती असोसिएशनचे अध्यक्ष शशिकांत जाधव यांनी दिली. राज्यात आलेल्या पुराचे संकट सर्वांवरच असल्याने यासाठी आम्ही मदतीचा हात पुढे केला असल्याचे जाधव यांनी सांगितले.
