मुंबई : दहिसर पश्चिम मुंबई येथील सोन्याच्या कंपनीतून 95 ग्रॅम सोने घेऊन फरार झालेला सोनार काम करणाऱ्या दोन कारागीरास हावडा, पश्चिम बंगाल येथुन अटक करण्यास एमएचबी कॉलनी पोलिसांना यश आले आहे. याप्रकरणी एमएचबी कॉलनी पोलीस ठाण्यात भारतीय दंड संविधान कलम 381 गुन्हा दाखल करण्यात आला होता. अटक आरोपींची नावे आरिफ सलीम शेख (29) आणि सलमान सुकूर शेख (29) अशी आहेत. हे दोघेही पश्चिम बंगाल येथील राहणारे आहेत.
दोन कारगीर झाले होते फरार : दहिसर पश्चिम मुंबई येथील सोन्याच्या कंपनीतून 95 ग्रॅम सोने घेऊन सोनार काम करणारे दोन कारागीर फरार झाले होते. याप्रकरणी सोने व्यवसायिक सोमनाथ मलिक यांनी एम एस बी कॉलनी पोलीस ठाण्यात तक्रार दाखल केली. या तक्रारीवरून पोलिसांनी भारतीय दंड संविधान कलम 381 अन्वये गुन्हा दाखल केला. गुन्हा दाखल केल्यानंतर पोलिसांनी तपासाची चक्रे जोरदार फिरवली. मूळचे पश्चिम बंगाल येथील वर्धमान येथील असणारे आरिफ सलीम शेख आणि सलमान सुकुर शेख हे सोनारी काम करणारे कारागीर आहेत. हे दोन आरोपी पश्चिम बंगाल येथे लपून बसले असल्याची माहिती पोलिसांना मिळाली.
अशी केली चोरी : तक्रारदार सोमनाथ मल्लिक यांचा सोन्याचा कारखाना 139/बी वैशाली इंडस्ट्रीज,म्हात्रेवाडी रोड,बडोदा बँकेजवळ,दहीसर पश्चिम या ठिकाणी आहे. या सोन्याच्या कारखान्यात आरीफ सलीम शेख व इतर 17 नोकर हे कामास होते. ते सर्वजण दुकानातच झोपत. शुक्रवारी 28 फेब्रुवारीला आरीफ शेख वय 26 वर्षे हा सकाळी साडेआठ वाजता ते 8.50 वाजताचे दरम्यान कोणासही सशंय न येऊ देता अंगात निळा टी शर्ट व हाफ पँट घालुन पँटमध्ये सोन्याचे मणी घालुन कारखान्याच्या बाहेर निघुन गेला.
पोलिस निघाले होते आरोपींच्या शोधासाठी : तक्रारदार मल्लिक यांच्या तक्रारीवरून फरार आरोपीचा मोबाईल नंबर पोलिसांना मिळाला. या मोबाईल नंबरबाबत तांत्रिक तपास करून आरोपीचा शोध घेण्याचे काम सुरू झाले. 1 मार्चला दुपारी तीन वाजता आरोपीताचे मोबाईल लोकेशन अहमदाबाद येथील सापडले. तात्काळ एमएचबी कॉलनी पोलीस ठाण्याचे प्रकटीकरण अधिकारी पोलीस उपनिरीक्षक अखिलेश बोंबे ,पोलीस हवालदार प्रवीण जोपले व पोलीस शिपाई अर्जुन आहेर यांची टीम अहमदाबाद या ठिकाणी रवाना केली होती.
लोकेशनने घेतला शोध : प्राप्त लोकेशन ठिकाणी पोहोचल्यानंतर सर्वत्र आरोपीचा शोध घेतला असता आरोपी मिळून आले नाही. परंतु अरोपिताच्या जुन्या मोबाईल नंबरचे तांत्रिक विश्लेषण करून सहाय्यक पोलीस निरीक्षक सूर्यकांत पवार यांनी आरोपीच्या मित्राचा मोबाईल क्रमांक प्राप्त केला. त्याच्या मित्राकडून आरोपीचा नवीन मोबाईल नंबर प्राप्त करून त्याचे पुन्हा आरोपीचे लोकेशन घेतले असता तो अहमदाबाद ते हावडाच्या दिशेने मिळू लागले.
फरार आरोपींचा शोध : मिळालेल्या लोकेशन आणि वेळेचा अभ्यास केल्यानंतर आरोपी हे अहमदाबाद टू हावडा जाणाऱ्या ट्रेनमध्ये असल्याची दाट शक्यता वाटली. त्यानंतर वेळ न घालवता पोलीस पथक बाय रोड मुंबई येथे येऊन 3 मार्चला विमानाने हावडा येथे 6.25 वाजता एअरपोर्ट कोलकत्ता येथे उतरून टॅक्सीद्वारे बाय रोड खडकापूर जंक्शन या ठिकाणी पोहोचले नंतर अहमदाबाद येथून सुटलेली ट्रेन ही या खडकापूर जंक्शन येथे आल्यानंतर त्या ट्रेनमध्ये पोलीस पथकाने प्रवेश केला. या ट्रेनचे 12 स्लीपर कोच व 3 जनरल डबे तपासणी केली. त्यामध्ये आरोपी मिळून आले नाहीत. त्यानंतर एसी 3 टायर डब्यामध्ये आरोपीचा शोध घेतला असता फरार आरोपी मिळून आला. त्यांच्याकडे तपास केला असता त्याचा अजून एक साथीदार सलमान शेख असल्याचे त्याने सांगितले.
आरोपींकडून मुद्देमाल जप्त : आरोपीचा फोनवरून सलमान शेख यास हावडा, पश्चिम बंगाल येथे चतुराईने बोलावून घेतले व त्यास ताब्यात घेवुन पोलीस पथक पोलीस ठाणे येथे आले. तांत्रिक तपास आणि चपळाईचा वापर करून सदर आरोपिंना ताब्यात घेण्यात एमएचबी कॉलनी पोलीस ठाण्यास यश प्राप्त झाले. यातील सुमारे 40 ग्रॅम मालमत्ता ही दोन्ही आरोपींनी शिवडी, मुंबई व अहमदाबाद, गुजरात येथे विक्री केल्याचे माहिती मिळत आहे. तसेच बाकी मुद्देमाल आरोपी आरिफ शेख यांचेकडून हस्तगत झाला आहे.
हेही वाचा : Pune Crime : हायप्रोफाईल परिसरात चोरी करणारा 'रॉबिनहूड' अटकेत; 1 कोटी 21 लाखचा मुद्देमाल जप्त
