मुंबई: ज्येष्ठ विधीज्ञ मुंदर्गी तसेच आबाद फोंडा यांनी संजय राऊत यांच्या वतीने बाजू मांडली तर अंमलबजावणी संचालनालयाच्या वतीने ज्येष्ठ वकील अनिल सी सिंग यांनी बाजू मांडली. संजय राऊत यांनी पत्राचाळ घोटाळा प्रकरणी आर्थिक गैरव्यवहार केला आहे, या प्रकारचा आरोप ठेवून त्यांना अटक केली होती. अनेक महिने ते तुरुंगामध्ये होते; मात्र त्यांच्या वतीने वकिलांनी बाजू मांडल्यानंतर सत्र न्यायालयाचे न्यायमूर्ती एमजी देशपांडे यांनी संजय राऊत यांचा गुणवत्तेच्या आधारे जामिनाचा अर्ज मान्य करत त्यांना जामीन दिला होता.
जामीन अर्जावरील सुनावणी लांबणीवर: या जामिनानंतरच संजय राऊत मुंबईच्या भायखळा येथील तुरुंगातून बाहेर आले; मात्र त्यांना जामीन मिळताच काही दिवसानंतरच अंमलबजावणी संचलनालयाने ज्येष्ठ अधिवक्ता अनिल सिंग यांच्या वतीने या अर्जाला आव्हान दिले गेले; परंतु या याचिकेची उच्च न्यायालयामध्ये सुनावणी अद्यापही नियमित पद्धतीने सुरू झालेली नाही.
न्यायाधीशांनी दिले 'हे' कारण: आज झालेल्या सुनावणीच्या वेळी अंमलबजावणी संचालनालयाच्या वतीने ज्येष्ठ अधिवक्ता अनिल सिंग यांनी सांगितले की, जामीन अर्जाला आम्ही आव्हान दिलेले आहे. यावर सुनावणी कधी होणार? असे विचारल्यावर उच्च न्यायालयाच्या न्यायमूर्ती अनुजा प्रभू देसाई यांनी सांगितले की, न्यायालयात मोठा खटल्यांचा ढीग पडलेला आहे. न्यायालयीन कामकाजामुळे ही सुनावणी येथे तहकूब करीत पुढील सुनावणी 15 जून रोजी होईल.
आर्थिक गैरव्यवहारातील पुरावा दाखवा: प्रवीण राऊत आणि संजय राऊत यांच्यात पत्राचाळ प्रकरणात आर्थिक व्यवहार जरी झाले असले. तरी पत्राचाळ प्रकणातील पैसा आर्थिक गैरव्यवहारातील असल्याचे पुरावे दाखवा. काही रक्कम प्रवीण राऊतांकडून संजय राऊत यांना देण्यात आली होती. मात्र, याचा काहीच कायदेशीर पुरावा नाही की ती रक्कम गुन्ह्यातुन मिळालेली रक्कम होती. असा युक्तीवाद राऊतांचे वकिल अशोक मुंदरगींनी 27 सप्टेंबर, 2022रोजी कोर्टात केला होता.
युक्तिवादाला उत्तर: पत्राचाळ प्रकरणात शिवसेना नेते संजय राऊत यांना ईडीने ऑगस्ट महिन्यामध्ये अटक केली होती. आज संजय राऊत यांच्या जामीन अर्जावर सुनावणी पार पडली. त्यादरम्यान, राऊत यांच्या वकिलांच्यावतीने अनेक प्रश्न उपस्थित करण्यात आले. आज राऊत यांच्या वतीने युक्तिवाद पूर्ण झाला असून ईडी राऊत यांच्या वतीने उपस्थित करण्यात आलेल्या युक्तीवादाला 10 ऑक्टोंबर रोजी उत्तर देणार आहे. त्यामुळे संजय राऊत यांच्या जामीन अर्जावर पुढील सुनावणी 10 ऑक्टोबर रोजी होणार आहेत. जामीन अर्जावर सुनावणी दरम्यान शिवसेना नेते संजय राऊत देखील कोर्टरूम मध्ये उपस्थित होते.
