मुंबई - बॉलिवूड ड्रग्ज प्रकरणी नार्कोटिक्स कंट्रोल ब्युरोने प्रसिद्ध मुच्छड पानवाला उर्फ जयशंकर तिवारी याला अटक केली आहे. मुंबईतल्या केम्स कॉर्नर त्याचे पानाचे दुकान आहे. काही दिवसांपूर्वी एनसीबीकडून करण सजनाणी या ब्रिटिश अनिवासी भारतीयाला अमली पदार्थ तस्करी प्रकरणी अटक करण्यात आली होती. या बरोबर अभिनेत्री दिया मिर्झा हिची माजी मॅनेजर राहिला फर्निचर हीला हीअटक करण्यात आली होती. त्यांच्या चौकशी नंतर एनसीबीने मुच्छड पानवाला याला अटक केली आहे. पानवाला याचे बॉलिवूडमधील मोठ्या हस्तीं बरोबर चांगले संबध आहेत.
एनसीबी बॉलिवूड ड्रग्स प्रकरणी मुच्छड पानवाला याला अटक
कोण आहे मुच्छड पानवाला
मुच्छड पानवालाचे खरे नाव राम कुमार जय शंकर तिवारी असून 1970 च्या दशकामध्ये मुंबईत आल्यानंतर त्याने त्याच्या वडिलांचा पान बनवण्याचा व्यवसाय सुरू ठेवला होता. मात्र यामध्ये प्रगती करत त्याने बॉलिवूडमधील सेलिब्रेटी व उच्चभ्रू वस्तीतील नागरिकांच्या संपर्कात राहून स्वतःचा व्यवसाय पसरवला होता. दरम्यान, मुंबईतल्या वेगवेगळ्या परिसरातील उच्चभ्रू वस्ती व बॉलिवूडमधील कलाकारांसोबत मुच्छड पानवाला याची चांगली ओळख आहे.
काय आहे प्रकरण -
अभिनेता सुशांत सिंग अमली पदार्थ प्रकरणातील तस्कर अनुज केशवानीला एनसीबीने अटक केली होती. अनुज केशवानी हा करन सजनानी कडूनच अंमली पदार्थ घेऊन तस्करी करायचा. तसेच करन सजनानी परदेशातील महागड्या अमली पदार्थांची तस्करी करायचा. करन सजनानी हा प्रसिद्ध बांधकाम व्यावसायिक असून तो ब्रिटिश नागरिक आहे. एनसीबीने त्याच्याकडून 75 किलो भारतीय गांजा, तर 125 किलो परदेशी अंमली पदार्थ जप्त केले. हा करन सजनानी आर्टिशनल मॅरुआना ज्वाईंट अमेरिकेचे इम्पोर्टेंड बड रिकामे बाॅक्स सांगून एअरपोर्ट वरुन घेऊन आला होता. ज्याचे वजन 1.1 किलो आहे. त्याची बाजार किंमत 60 ते 70 लाख रुपये आहे. करन सजनानी हा परदेशी अंमली पदार्थ भारतातील गोवा, कर्नाटक, तामिळनाडू, आंध्र प्रदेश आणि मेघालय या राज्यात तस्करी करायचा.
हेही वाचा - नवे कृषी कायदे मागे घेण्याची मागणी अस्वीकारार्ह-केंद्राचे 'सर्वोच्च' प्रतिज्ञापत्र
