मुंबई: मुंबईत इंटरनेट ग्राहकांच्या संख्येत मोठी वाढ होत आहे. अशा वेळेस इंटरनेट सेवा पुरवणाऱ्या कंपन्यांमध्ये जोरदार स्पर्धा लागली आहे. मात्र या पार्श्वभूमीवर जिओ फायबरनेटने अत्यंत माफक दरात इंटरनेट सेवा देण्यास सुरुवात केल्याने अनेक ग्राहकांनी इंटरनेट कनेक्शन कडून आता जिओ फायबर नेटकडे आपला मोर्चा वळवला आहे.
जिओ फायबर नेट सेवेला कट: जिओ फायबर नेट या कंपनीकडून अत्यंत स्वस्त दरात चांगले पॅकेज देण्याचा प्रयत्न असल्याने इंटरनेट सेवा देणाऱ्या कंपन्या हादरून गेल्या आहेत. त्यामुळे जिओ फायबर नेटच्या तारा खंडित करण्याचा प्रकार सुरू झाला आहे. गेल्या काही आठवड्यांपासून बोरिवली परिसरातील जिओ फायबरचा इंटरनेट सेवा खंडित करण्यात येत आहेत. बोरिवली परिसरातील हिना इलिगन्स पॉवर आणि साईबाबा नगर परिसरात जिओ फायबरच्या इंटरनेट केबल चेंबरमध्ये उतरून कापण्यात आली. तर बोरिवली पश्चिम येथील आय सी कॉलनी क्रॉस रोड या परिसरातही जिओ फायबरच्या केबल कापण्यात आल्या आहेत. जिओ फायबरच्या केबल कापल्या जात असल्यामुळे ग्राहक त्रस्त झाले आहेत.
कंपनीकडून पोलीस ठाण्यात तक्रार: जीव फायबर कंपनीच्या वतीने अभियंता विनोद यादव यांनी बोरिवली पोलीस ठाणे आणि एमएचबी पोलीस ठाण्यात तक्रार दाखल केली आहे. पोलिसांनी या प्रकरणी अज्ञात आणि विरुद्ध गुन्हा दाखल केला असून केबल कापणाऱ्यांचा शोध घेण्यासाठी पोलीस सीसीटीव्ही फुटेज तपासत आहेत. जिओ फायबरच्या केबल कापण्याच्या या प्रकारामुळे कंपनी त्रस्त झाली आहे. अशा पद्धतीने केबल कापून सेवा खंडित करण्यामागे इंटरनेट सेवा देणाऱ्या काही कंपन्या अथवा स्थानिक इंटरनेट केबल चालक असावेत असा संशय इंजिनियर विनोद यादव यांनी पोलिसांकडे व्यक्त केला आहे. मात्र, जिओ फायबर इंटरनेट सेवा वारंवार खंडित होत असल्याने ग्राहकांच्या रोषाचा सामना कंपनीला करावा लागत आहे. अशा परिस्थितीत जिओ ग्राहकांची संख्या कमी होण्याची शक्यता निर्माण झाली आहे.
हेही वाचा: Project Tiger : पंतप्रधान जाहीर करणार अधिकृत वाघांची संख्या; महाराष्ट्र देशात चौथ्या स्थानावर
