मुंबई - पनवेल परिसरातील खारघरमध्ये 19 वर्षीय तरुणीवर सामूहिक बलात्कार झाला. तरुणीला शितपेयातून मद्य पाजून दोन तरुणांनी तिच्यावर बलात्कार केला.
हेही वाचा - पंतप्रधान मोदींची राष्ट्रवादीच्या ट्विटर खात्यावरून खिल्ली उडवणारी व्हिडिओ पोस्ट
खारघर सेक्टर 12 मधील एका 19 वर्षीय तरुणीची एका बस चालकाशी ओळख झाली होती. त्यानंतर त्यांच्यात मैत्री झाली. संबधित बस चालकाने व त्याच्या मित्राने तरुणीला भेटायला बोलवले व शितपेयातून तिला मद्य पाजले. त्यानंतर दोघांनीही तिच्यावर आळीपाळीने बलात्कार केला व तिला सेक्टर 18 मधील संजीवनी शाळेसमोरील रस्त्यावर फेकून दिले. बसचालक व त्याचा मित्र दोघेही संबधित ठिकाणाहून पळून गेले.
तरुणी घरी न आल्याने कुटुंबातील लोकांनी घेतला शोध
तरुणी घरी न आल्याने तिच्या कुटुंबीयांनी तिचा शोध घेतला. ती सेक्टर 18 मधील संजीवनी शाळेसमोर बेशुद्ध अवस्थेत पडलेली आढळली. याबाबत त्वरित खारघर पोलिसांनी घटनास्थळी धाव घेतली व तिला उपचारार्थ जवळील रुग्णालयात दाखल केले. तरुणी शुद्धीवर आल्यावर तिने घडलेला सर्व प्रकार खारघर पोलिसांना सांगितला. या प्रकरणी खारघर पोलीस ठाण्यात बलात्काराचा गुन्हा दाखल झाला असून, एका आरोपीस पोलिसांनी ताब्यात घेतले आहे.
हेही वाचा - बांगड्या आणि हंडे घेऊन भाजपनेच जास्त आंदोलने केली - छगन भुजबळ
