मुंबई - लोकसभा निवडणुकीच्या मतदानाला मुंबईमध्ये सुरुवात झाली आहे. यासाठी चेंबूर नाका परिसरातील सिद्धार्थ कॉलनी येथील मुंबई महानगरपालिकेच्या शाळा क्रमांक १ वरती ६ बुथ तयार करण्यात आले असून त्यात महिलांसाठी खास सखी बुथही आहे.
सखी बुथमध्ये सर्वप्रथम शैलजा सावंत यांनी मतदान केले आहे. यामुळे महिलांनी सावंत यांची आरती ओवाळून हळदी-कुंकू लावून त्यांचे स्वागत केले, यानंतर त्यांनी आपले मत नोंदवले. त्यांना सखी बुथ केंद्रातर्फे कोकम सरबत बॉटल देऊन शुभेच्छा देण्यात आल्या. मतदान केल्यानंतर सावंत यांनी आपल्या भावना ईटीव्ही भारतशी बोलताना व्यक्त केल्या. मला फार आनंद वाटला आणि प्रत्येक महिलांनी मतदान करण्यासाठी केंद्रावर यावे आणि आपला मतदानाचा हक्क बजवावा, असे आवाहन त्यांनी मतदारांना केले आहे.
महिला मतदारांचा सत्कार करून मतदान सुरू
